ہندوستانی فضائیہ میں آٹھ اپاچی ہیلی کاپٹر شامل

پٹھان کوٹ: ہندوستانی فضائیہ نے منگل کو اپنے جنگی بیڑے میں امریکہ میں تیار آٹھ اپاچی اے ایچ -64 ای ہیلی کاپٹر شامل کر لئے۔
فضائیہ کے سربراہ ایئر چیف مارشل (اےسي ایم) بی ایس دھنووا نے دنیا کے بہترین لڑاکا ہیلی کاپٹر وں میں شمار اپاچی اے ایچ -64 ای ہیلی کاپٹرکو پٹھان کوٹ ایئر فورس اسٹیشن پر فضائیہ کے بیڑے میں شامل کیا ۔

اےسي ایم دھنووا نے اس موقع پر ایک تقریب میں کہا’’اپاچی لڑاكا ہیلی کاپٹروں کو ایم آئی -35 فلیٹ کی جگہ استعمال کرنے کے لئے خریدا گیا ہے۔ ساتھ ہی اس ہیلی کاپٹر سے گولاباری کرنے، راکٹ اور دیگر گولہ بارود کو چھوڑنے کی صلاحیت ہے۔ یہ ہوائی جنگ کے دوران کئی کام ایک ساتھ کر سکنے والے جدید تکنیک سے لیس ہے‘‘۔

دھنووا نے کہا ’’ان طیاروں کو خاص طور پر ہندوستانی فضائیہ بہترین معیار کے مطابق تیار کیا گیا ہے۔ مجھے اس بات کی خوشی ہے کہ ان آٹھ ہیلی کاپٹر کو مقررہ وقت پر فضائیہ کے بیڑے میں شامل کر لیا گیا ہے‘‘۔

فضائیہ نے 22 اپاچی ہیلی کاپٹرکی فراہمی کے لئے سال 2015 میں امریکی حکومت اور بوئنگ لمیٹڈ کے ساتھ معاہدہ پر دستخط کیا تھا۔ بوئنگ لمیٹڈ نے 27 جولائی کو چار اپاچی ہیلی کاپٹروں کو فضائیہ کے حوالے کر دیا تھا۔