نئی دہلی: دہلی پولیس کے اسسٹنٹ سب انسپکٹر کی رپورٹ کورونا کے لئے مثبت پائی گئی ہے۔ اس رپورٹ کے آنے کے ساتھ ہی دہلی پولیس ڈیپارٹمنٹ میں کھلبلی مچ گئی۔ معاملہ سامنے آنے کے بعد کالا جی پولیس کالونی، جہاں اے ایس آئی رہائش پذیر ہے، اسے سیل کر دیا گیا۔ دہلی پولیس کے جوائنٹ کمشنر دیویش چندر سریواستو نے خبر رساں ایجنسی ’آئی اے این ایس‘ سے گفتگو کرتے ہوئے اعتراف کیا کہ دہلی پولیس کے ٹریفک یونٹ میں تعینات ایک اے ایس آئی کورونا مثبت پایا گیا ہے۔
Published: undefined
انہوں نے کہا اے ایس آئی کو 7 اپریل کو ایمس میں داخل کیا گیا ہے۔ بقیہ کنبے کے چار افراد کو احتیاطی طور پر ’ہوم کوارنٹائن‘ کر دیا گیا ہے۔ جنوب مشرقی دہلی ضلع کے ایک اعلی پولیس افسر نے آئی اے این ایس کو بتایا کہ کورونا مثبت ایس ایس آئی کی عمر 50 سال کے لگ بھگ ہے۔
Published: undefined
پولیس ذرائع کے مطابق اور کالکاجی پولیس کالونی میں مقیم ایک محکمہ پولیس کے ملازم کے مطابق ’’اسسٹنٹ سب انسپکٹر کئی دن سے چھٹی پر تھا۔ اسے کھانسی، بخار کی شکایت ہوئی تھی۔ شبہ ہونے پر طبی معائنہ کرایا گیا تو اس کی کورونا رپورٹ مثبت پائی گئی۔‘‘
Published: undefined
دہلی پولیس ہیڈ کوارٹر کے اعلی عہدیداروں کو بھی اس بارے میں مطلع کر دیا گیا ہے، نیز کالکاجی پولیس کالونی کو احتیاطی اقدام کے طور پر سیل کر دیا گیا ہے۔
Published: undefined
پولیس کے ایک عہدیدار نے بتایا کہ مشکل کی گھڑی میں پورا محکمہ متاثرہ اے ایس آئی کے ساتھ کھڑا ہے۔ ہم لوگ متاثرہ اہل خانہ کی پوری دیکھ بھال کر رہے ہیں۔ کالکا جی پولیس اسٹیشن کے ذرائع کے مطابق کالونی میں آنے جانے والوں پر مکمل پابندی عائد رہے گی۔ محکمہ صحت کی ٹیموں کی نگرانی میں کالونی کو بھی مسلسل سینیٹائز کیا جا رہا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined