بہار کی مشکلیں بڑھیں ، پٹنہ ایمس کے 400 نرسنگ ملازمین ہڑتال پر

پٹنہ کے آل انڈیا انسٹی ٹیوٹ آف میڈیکل سائنس ( ایمس ) میں ٹھیکہ پر کام کر رہے لگ بھگ 400 نرسنگ ملازمین نے چھ نکاتی مطالبات کی حمایت میں جمعرات کو ہڑتال شروع کرکے کورونا وبا سے جنگ لڑرہے بہار کی مشکلیں بڑھا دی ہیں۔

ہڑتال پر گئے سبھی نرسنگ ملازمین ایمس کے مین گیٹ کے باہر اپنا کام بند کر کےکل کھڑے ہوگئے تھے۔ سبھی ملازمین ایمس کے آغاز سے ہی ٹھیکہ پر کام کر رہے ہیں۔ ہڑتال کر رہے ملازمین نے مطالبات کئے ہیں کہ ایمس میں ان کی تقرری مستقل کئے جانے کے ساتھ ہی کووڈ۔19 میں ٹھیکہ پر کام کرنے والے ملازمین کے بیمار پڑنے اور مستقبل میں ان کی صحت سے متعلق کوئی تکلیف ہونے پر انہیں بھی مستقل ملازمین کی طرح ہی میڈیکل سہولیات فراہم کرائی جائیں۔

ہڑتال پر گئے ملازمین کے مطالبات میں مرکزی حکومت کی ضوابط اور شرطوں کو دیکھتے ہوئے یکساں کام کیلئے یکساں تنخواہ اور انہیں مستقل ملازم کی طرح چھٹی دی جانی بھی شامل ہے ۔

پٹنہ ایمس کو کوڈ۔19 اسپتال کے طورپر نشان زد کیا گیا ہے جہاں بڑی تعداد میں اس سے متاثر مریضوں کا علاج چل رہاہے ۔ اسی درمیان ملازمین کی ہڑتال کو دیکھتے ہوئے اسپتال احاطہ میں کثیر تعداد میں پولیس فورس کو تعینات کر دیا گیا ہے ۔