جموں و کشمیر میں ’کاؤنٹر انٹیلی جنس کشمیر‘ کی ٹیم نے 7 اضلاع کے 12 ٹھکانوں پر مارا چھاپہ

جموں و کشمیر پولیس کی کاؤنٹر انٹیلی جنس کشمیر (سی آئی کے) کی ٹیم نے منگل (16 دسمبر) کو کشمیر ڈویژن میں کئی جگہوں پر دہشت گردی سے منسلک ایک معاملہ میں علی الصبح چھاپے ماری کی ہے۔ ٹیم کی طرف سے دی گئی جانکاری کے مطابق وادی میں 12 جگہوں پر چھاپے مارے کی جا رہی ہے، ان میں پلوامہ بھی شامل ہے۔ چھاپے ماری کے دوران سیکورٹی فورسز کی بڑی تعداد موجود ہے۔ پورا معاملہ آئی پی سی کی دفعہ 153-اے اور 505 اور غیر قانونی سرگرمیاں (روک تھام) ایکٹ (یو اے پی اے) کی دفعہ 13 اور 18 کے تحت درج کیا گیا ہے۔

ہندی نیوز پورٹل ’ٹی وی 9 بھارت ورش‘ پر کاؤنٹر انٹیلی جنس کشمیر کے آفیشیل ذرائع کے حوالے سے ایک خبر شائع کی گئی ہے۔ اس کے مطابق آج صبح سی آئی کے نے پولیس اور سی آر پی ایف کے ساتھ مل کر دہشت گردانہ سرگرمیوں سے متعلق چھاپے ماری کی ہے۔ وادی کے جن 7 اضلاع میں اس وقت چھاپے ماری چل رہی ہے، ان میں پلوامہ، بڈگام، کولگام، سری نگر، بارہمولہ، اننت ناگ اور کپواڑہ شامل ہیں۔

واضح رہے کہ دہشت گردی کے جرائم جیسی سرگرمیوں کے خلاف تحقیقات چھاپے ماری کی گئی ہے، جس میں آن لائن دہشت گردی کی تعریف اور لوگوں کو دہشت گرد تنظیموں میں شامل کرنے کی کوششیں شامل ہیں۔ جن لوگوں کے گھروں پر چھاپے ماری کی گئی ہے، ان پر الزام ہے کہ وہ لوگ سوشل میڈیا کے ذریعہ دہشت گردی کو فروغ دینے کی کوشش کر رہے تھے۔ ان پر یہ بھی الزام ہے کہ ان لوگوں نے ملک کی سالمیت کے خلاف مواد شیئر کیے ہیں۔