کورونا پازیٹو مہاجر مزدور نے کی خود کشی

جھارکھنڈمیں لوہر دگا ضلع صدر اسپتال کے آئسولیشن وارڈ میں ایک مہاجر مزدور نے خود کشی کرلی ہے ۔ اسپتال ذرائع نے منگل کے روز بتایاکہ مزدور 24 مئی کو ممبئی سے لوہردگا لوٹا تھا جہاں کورونا کی علامات ملنے کے بعد اسے آئیولیشن وارڈمیں داخل کرایا گیا تھا ۔ بتایا جاتا ہے کہ ضلع میں پیر کی دیر رات 13 کووڈ پازیٹو ملے تھے جس میں مزدور کی رپورٹ بھی پازیٹو تھی ۔

مہاجر مزدور کی موت کے تعلق سے ذرائع کا کہنا ہے کہ محکمہ صحت کی ٹیم منگل کی صبح پازیٹو افراد کو جب بہتر علاج کے لیے کووڈ-19 سنٹر لے جانے کے لیے آئسولیشن وارڈ پہنچی تو دیکھا کہ مزدور نے چادر سے پھندا بناکر خود کشی کرلی ہے ۔ مزدور نے یہ خودکشی کیوں کی، اس سلسلے میں فی الحال کچھ سامنے نہیں آ سکا ہے۔ اس خودکشی معاملے کی تفتیش کی جارہی ہے ۔