نئی دہلی: دہلی کے وزیر اعلی اروند کیجریوال نے جمعہ کے روز ’وزیر اعلی لائرس ویلفیئر‘ اسکیم پر عمل درآمد کے لئے تیرہ رکنی کمیٹی تشکیل دینے کا اعلان کیا۔ اس اسکیم کے لئے 50 کروڑ روپے مختص کیے گئے ہیں۔
Published: undefined
کیجریوال نے اس اسکیم کا اعلان چند ماہ قبل کیا تھا۔ انہوں نے کہا کہ اس بجٹ کو کیسے اور کہا ں خرچ کیا جائے اس کے متعلق وکیلوں سے مشورے حاصل کیے جائیں گے۔
Published: undefined
وزیر اعلی نے کہا کہ دہلی حکومت وکیلوں کی بہبود کے لئے پچاس کروڑ روپے دے رہی ہے۔ اس کام کو انجام دینے کے لئے تیرہ وکیلوں کی ایک کمیٹی تشکیل دی گئی ہے۔ کمیٹی یہ یقینی بنائے گی کہ پچاس کروڑ روپے کیسے اور کہاں خرچ کیے جائیں۔ سپریم کورٹ بار کونسل کے چیئرمین راکیش کمار کھنہ اس کمیٹی کے صدر ہوں گے۔
Published: undefined
بار کونسل آف انڈیا کے چیئرمین کے سی متل اس کمیٹی کے رکن ہوں گے۔ بارکونسل آف دہلی ہائی کورٹ کے چیئرمین موہت ہاتھر اور وکیل راہل میلرا‘ راجیش کوشک‘ آر کے وادھوا‘ این سی گپتا‘ ہیمنت مہتا‘ پرمود ناگر‘ راکیش چاہر‘ کمل مہتا اور امیتابھ چترویدی بھی اس کمیٹی کے رکن بنائے گئے ہیں۔ اروند کیجریوال نے کہا کہ دہلی کو عام آدمی پارٹی حکومت ملک کی ایسی پہلی حکومت ہے جس نے وکیلوں کے بہبود کے لئے اتنی بڑی رقم منظور کی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا