بی جے پی کے رہنما کچھ بھی کہیں لیکن ناتھو رام سے ان کی محبت کسی نہ کسی شکل میں ظاہر ہو ہی جاتی ہے۔ ایک طرف مرکز میں بر سر اقتدار بی جے پی مہاتما گاندھی کی 150 ویں سالگرہ بہت دھوم دھام سے منانے کے دعوے کر رہی ہے تو دوسری جانب ان کی پارٹی کے چھتیس گڑھ کے رکن اسمبلی نے باپو کے قاتل ناتھو رام کو ’گوڈسے جی‘ کہہ کر مخاطب کیا ہے۔ ان کے اس بیان کے بعد سیاسی ہنگامہ شروع ہو گیا ہے۔ وزیر اعلی بھوپیش بگھیل نے ان پر حملہ کرتے ہوئے کہا ہے کہ بی جے پی کے چہرے سے نقاب اتر گیا ہے۔
Published: 04 Oct 2019, 4:04 PM IST
بی جے پی کے رکن اسمبلی اجے چندراکر کی ہٹ دھرمی یہ ہے کہ انہوں نے کہا کہ ان کو گوڈسے کے ساتھ ’جی‘ لگانے پر کوئی افسوس نہیں ہے، ’’کیونکہ میں نے ایوان کے اندر ناتھو رام گوڈسے کی تنقید کی ہے اور میں کسی مرحوم شخص کا نام ایسے نہیں لینا چاہتا ہے۔‘‘ انہوں نے کہا کہ مرنے والے کا نام عزت سے ہی لیا جانا چاہیے، چاہے وہ ہمارا دشمن ہی کیوں نہ ہو۔ اجے چندراکر سابق وزیر بھی رہے ہیں اور بی جے پی کی جانب سے مہاتما گاندھی پر خطاب کرتے ہوئے انہوں نے ناتھور رام کا نام لیتے ہوئے ’گوڈسے جی‘ کہا تھا۔
Published: 04 Oct 2019, 4:04 PM IST
وزیر اعلی بھوپیش بگھیل نے بی جے پی پر طنز کرتے ہوئے کہا کہ اگر بی جے پی اور آر ایس ایس والے مہاتما گاندھی کو مانتے ہیں تو ان کو گوڈسے مردآباد کا نعرہ لگانا چاہیے۔ انہوں نے کہا کہ گوڈسے ساورکر کے خیالات سے متاثر تھا۔
Published: 04 Oct 2019, 4:04 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 04 Oct 2019, 4:04 PM IST