قومی خبریں
چھاتروں کی گونج LIVE: پریاگ راج میں راہل گاندھی کا شاندار استقبال، کے پی گراؤنڈ میں ابھی سے نوجوانوں کی بھیڑ جمع
کوٹا اور دہرادون کے بعد آج راہل گاندھی پریاگ راج واقع کے پی گراؤنڈ میں ’چھاتروں کی گونج‘ مہم کے تحت ہزاروں طلبا اور نوجوانوں سے براہ راست تبادلہ خیال کریں گے۔
چھاتروں کی گونج، گرافکس ’ایکس‘ @INCIndia
پریاگ راج ایئرپورٹ پر راہل گاندھی کا پُرخلوص استقبال، طلبا پُرجوش
لوک سبھا میں حزب اختلاف کے قائد راہل گاندھی آج شام پریاگ راج واقع کے پی گراؤنڈ میں ہزاروں طلبا و نوجوانوں سے خطاب کرنے والے ہیں۔ کانگریس رکن پارلیمنٹ راہل گاندھی پریاگ راج پہنچ بھی چکے ہیں اور ان کا کانگریس لیڈران نے پھولوں کا گلدستہ پیش کر پریاگ راج ایئرپورٹ پر پُرخلوص استقبال کیا ہے۔ راہل گاندھی کی تقریب کے پیش نظر علاقے میں سخت سیکورٹی کا انتظام کیا گیا ہے اور طلبا و نوجوان انتہائی پُرجوش دکھائی دے رہے ہیں۔ کے پی گراؤنڈ میں ابھی سے طلبا و نوجوانوں کی بھیڑ جمع ہونے لگی ہے۔ دی گئی جانکاری کے مطابق راہل گاندھی 7 بجے کے بعد کے پی گراؤنڈ پہنچیں گے۔
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔