بھوپال: مدھیہ پردیش اسمبلی میں منگل کے روز دیگر پسمانہ طبقات (او بی سی) کے لوگوں کو سرکاری نوکری میں 27 فیصد ریزرویشن دئے جانے کی تجویز کو اتفاق رائے سے منظور کر لیا گیا۔ ریاست کی عمومی انتظامیہ کے وزیر ڈاکٹر گووند سنگھ نے نوکریوں میں او بی سی کو دئے جا رہے 14 فیصد ریزرویشن کو بڑھا کر 27 فیصد کئے جانے کا مدھیہ پردیش سول سروس (ایس سی، ایس ٹی اور او بی سی کا ریزرویشن) ترمیمی بل پیش کیا۔ اس ترمیمی بل کو اتفاق رائے سے منظور کر لیا گیا۔
Published: undefined
ڈاکٹر گووند سنگھ نے بل کو پیش کرتے ہوئے کہا کہ او بی سی کے ریزرویشن کو بڑھا کر 14 سے 27 فیصد کیا گیا ہے، اس طرح ریاست میں مختلف ذاتوں کو دئے جانے والا ریزرویشن 70 فیصد سے تجاوز کر گیا ہے۔ انہوں نے کہا ایسے اور بھی صوبے ہیں جہاں نوکریوں میں 50 فیصد سے زیادہ ریزرویشن دیا جا رہا ہے۔
Published: undefined
مدھیہ پردیش کانگریس صدر کے میڈیا کوآرڈینیٹر نریندر سلوجا نے پسماندہ طبقہ کو 27 فیصد ریزرویشن دیئے جانے والے بل کے اسمبلی میں اتفاق رائے سے منظور ہونے کو تاریخی فیصلہ قرار دیتے ہوئے کہا کہ کانگریس حکومت نے پسماندہ طبقہ سے انتخابات سے قبل کیا وعدہ پورا کر دیا۔
Published: undefined
سلوجا نے اپنے جاری کردہ بیان میں کہا کہ جو کام سابقہ بھارتیہ جنتا پارٹی (بی جے پی) کی حکومت اپنی 15برس کی مدت کار میں نہیں کرسکی تھی، اسے آج کمل ناتھ حکومت نے محض 7 مہینہ کی حکومت میں کر کے دکھایا ہے۔ جو کہا وہ پورا کیا۔ انہوں نے کہا کہ اس سے یہ بات واضح ہوتی ہے کہ ریاست کی کملناتھ حکومت اپنے وعدہ کی پکی اور ریاست کے پسماندہ طبقہ کی حامی ہے۔
Published: undefined
انہوں نے کہاکہ آج کے اس فیصلہ سے پسماندہ طبقہ کے محروم کنبوں کو طاقت ملے گی اور پسماندہ طبقہ کی فلاح و بہود کو ایک نئی سمت ملے گی۔ انہوں نے کہاکہ آئندہ بھی کملناتھ حکومت مدھیہ پردیش کے عوام سے کئے گئے ہر وعدے کے تئیں عہدبند رہے گی اور مدھیہ پردیش کو ترقی کے راستے پر گامزن رکھے گی۔ اپنے ہر وعدہ کو پورا کرے گی۔
(ایجنسی ان پٹ کے ساتھ)
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined