قومی خبریں
آسام: این آر سی میں نام نہ ہونے کی افواہ سن کر خاتون نے کی خودکشی
تیج پور کے ڈولہ باری میں رہنے والی سائرہ بیگم نامی خاتون نے آج صبح کنویں میں کود کر مبینہ طور پر خودکشی کرلی۔ خاتون کے شوہر شمشیر علی نے بتایا کہ وہ این آر سی کی آخری فہرست کے تعلق سے تناؤ میں تھی۔
تیج پور: آسام میں سونت پور ضلع کے تیج پور میں ایک خاتون نے قومی شہری رجسٹر (این آرسی) کی آخری فہرست میں اپنے کنبہ کے اراکین کے نام شامل نہیں ہونے کی افواہ سننے کے بعد سنیچر کو مبینہ طورپر خودکشی کرلی۔
Published: 31 Aug 2019, 4:10 PM IST
این آر سی کی آخری فہرست سنیچر کو جاری کی گئی۔ تیج پور کے ڈولہ باری میں رہنے والی سائرہ بیگم نامی خاتون نے آج صبح ایک کنویں میں کود کر مبینہ طورپر خودکشی کرلی۔ خاتون کے شوہر شمشیر علی نے بتایا کہ وہ این آر سی کی آخری فہرست کے تعلق سے کل سے تناؤ میں تھی۔
Published: 31 Aug 2019, 4:10 PM IST
خاتون کے شوہر اور اس کے دونوں بیٹوں کے نام 30جولائی، 2018 کو شائع ہونے والی این آر سی کی فہرست میں نہیں تھے جبکہ اس کا خود کا نام اس میں شامل تھا۔ علی نے دعوی کیا کہ اسے ڈر تھا کہ ایک بار پھر ہمارا نام فہرست میں شامل نہیں ہوگا اور ا س کا تناؤ وہ جھیل نہیں سکی اور خودکشی کرلی۔
Published: 31 Aug 2019, 4:10 PM IST
علی نے بتایا کہ اس کا اور اس کے دونوں بیٹوں کا نام این آرسی کی آخری فہرست میں شامل ہے لیکن اس کا پتہ لگانے سے پہلے ہی اس کی بیوی نے خودکشی کرلی۔ پولس نے معاملہ کی جانچ شروع کردی ہے۔ آج جاری ہوئی این آر سی کی آخری فہرست میں 3.11 کروڑ لوگوں کے نام شامل ہیں اور 19لاکھ لوگوں کو جگہ نہیں ملی ہے۔
Published: 31 Aug 2019, 4:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 31 Aug 2019, 4:10 PM IST
’ہر قیمت پر آئین کی حفاظت کریں گے‘، گجرات میں کھڑگے، مہاراشٹر میں راہل اور یوپی میں پرینکا کا اظہارِ عزم
تصویر: محمد تسلیم