دہلی کی کچی کالونیوں میں ہم پکی سڑکیں، نالی، سیور اور پانی کا کام کروا رہے ہیں: کیجروال
نئی دہلی: دہلی کے وزیر اعلیٰ اروند کیجریوال نے کہا ہے کہ ہمیں مرکزی حکومت کی تمام شرائط منظور ہیں۔ اس وقت ہمارا صرف اور صرف ایک ہی مقصد ہے کہ دہلی میں کچی کالونیوں میں رہنے والے لوگوں کو کس طرح سے پکی سڑکیں اور پکی رجسٹری دلوائی جائیں۔ جب تک یہ نہیں ہوگا اس وقت تک میں چین کی سانس نہیں لوں گا۔
واضح رہے، حال ہی میں کیجروال حکومت نے دہلی کی تقریباً 1797 غیرقانونی کالونیوں کو ریگولر کرنے کا فیصلہ لیا تھا، ان کالونیوں میں تقریباً 40 لاکھ لوگ رہائش پزیر ہیں۔
Published: 24 Jul 2019, 9:10 PM IST
وزیر اعلیٰ اروند کیجریوال نے مسئلہ پر دہلی سیکریٹریٹ میں پریس کانفرنس سے خطاب کیا۔ انہوں نے کہا کہ دہلی حکومت کو مرکزی حکومت سے جواب مل گیا ہے۔ انہوں نے دعوی کیا کہ مرکز اور دہلی حکومت اس مسئلہ پر ایک ساتھ مل کر کام کریں گی اور ان کالونیوں کو ان کا حق دلایا جائے گا۔
کیجروال نے کہا کہ ابھی تک دہلی کی کچی کالونیوں میں رہنے والے لوگوں کے ساتھ نااصافی ہوئی ہے اور انہیں حقارت کی نظر سے دیکھا گیا، بہت جلد انہیں عزت کے ساتھ ان کا حق مل جائے گا۔ انہوں نے مزید کہا، دہلی کی کچی کالونیوں میں ہم پکی سڑکیں، نالی، سیور اور پانی کا کام کروا رہے ہیں۔
Published: 24 Jul 2019, 9:10 PM IST
اروند کیجریوال نے کہا کہ کالونیوں کو ریگولر کرنے کے لئے دہلی حکومت نے بلیو پرنٹ بھی تیار کر لیا ہے۔ 1797 کالونیوں کو تین زمروں میں تقسیم کیا گیا ہے، یہ کالونیاں سرکاری زمین پر بنی ہیں۔
سپریم کورٹ نے 11 اکتوبر 2011 کو اپنے فیصلہ میں کہا تھا کہ جی پی اے اور ایگریمنٹ ٹو سیل موزوں نہیں ہوں گے۔ اگر اس آرڈر کو نافذ کیا جائے تو 2011 کے بعد جن لوگوں نے جی پی اے کے ذریعے زمین خریدی ہوگی تو یہ غیر قانونی ہوگی۔ اس پر کیجریوال نے کہا کہ اس کو ختم کرتے ہوئے حکومت ایک تاریخ مقرر کرے گی۔
Published: 24 Jul 2019, 9:10 PM IST
دہلی میں 2 مرحلوں میں کالونیوں کو ریگولر کرنے کا کام کیا جا رہا ہے۔ پہلے مرحلہ میں 1797 کالونیاں شامل ہیں۔ اس کے بعد بھی اگر کالونیویاں باقی رہتی ہیں تو مرکز نے کہا کہ یکم جنوری 2015 تک اگر 1797 کے علاوہ کوئی کالونی باقی رہی ہے تو اس کی بھی فہرست تیار کر لیں۔ دہلی حکومت کا کہنا ہے کہ یکم جنوری 2015 کے بجائے آج کی تاریخ مقرر کی جائے، تاکہ بیک لاگ دور ہو سکے۔ تمام دیہی علاقوں کی کچی کالونیوں کو دہلی حکومت ریگولر کر کے شہری گاؤں قرار دے گی۔
وزیر اعلیٰ اروند کیجریوال نے کہا کہ ہم نے مرکزی حکومت کو 12 مشورے بھیجے ہیں، مرکزی حکومت جس مشورے کو منظور کرنا چاہتی ہے اسے کرے اور جسے نہیں کر چاہتی نہ کرے۔ انہوں نے مزید کہا کہ مرکزی حکومت جو بھی شرائط عائد کرے گی وہ ان پر عمل کریں گے۔
Published: 24 Jul 2019, 9:10 PM IST
Published: 24 Jul 2019, 9:10 PM IST
Published: 24 Jul 2019, 9:10 PM IST
Published: 24 Jul 2019, 9:10 PM IST
Published: 24 Jul 2019, 9:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 24 Jul 2019, 9:10 PM IST
تصویر: محمد تسلیم