الہ آباد: یوپی کے شہر الہ آباد (پریاگراج) میں ایک طالب علم کی عمارت کی تیسریی منزل سے گرنے کے سبب موت ہو گئی۔ طالب علم کرکٹ کھیل رہا تھا اور گیند لینے کے لئے چھت پر گیا تھا۔ رپورٹ کے مطابق ہلاک ہونے والا لڑکا 10ویں جماعت کا طالب علم تھا اور گیند لینے کے لئے تیسری منزل پر گیا تھا، وہاں سے پھسل کر گرنے کی وجہ سے اس کی موت ہو گئی۔
Published: undefined
یہ راج رشی منڈپم کی عمارت پر پیش آیا، کوت والی پولیس نے لاش کو پوسٹر مارٹم کے لئے بھیج دیا۔ پولیس عہدیدارات نے بتایا کہ 15 سالہ لڑکا بتاشامنڈی کا رہائشی تھا۔ وہ اپنے دوستوں کے ساتھ راج رشی منڈپم میں کرکٹ کھیلنے کے لئے گیا تھا اور جب وہ دیر شام تک گھر نہیں لوٹا تو اہل خانہ نے اس کی تلاش شروع کی۔ وہ اس مقام پر پہنچے جہاں بچے ایک ساتھ کرکٹ کھیلا کرتے تھے۔
Published: undefined
متوفی کے ساتھ کھیل رہے لڑکوں سے پوچھ گچھ کی گئی تو اہل خانہ کو معلوم چلا کہ کھیل کے دوران وہ چھت پر گیند لینے گیا تھا، اس کے بعد واپس نہیں لوٹا۔ کوتوالی پولیس نے بتایا کہ عمارت کی تیسری منزل کے بیچ کا حصہ پلاسٹک سے ڈھکا ہوا اتھا، لڑکا غالباً وہیں سے گرا ہے اور اس کی موقع پر ہی موت ہو گئی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined