محرم الحرام میں یوم عاشورہ کے موقع پر آج شیعہ عقیدت مندگان نے ماتمی جلوس نکالا اور تعذیہ نکال کر امام حسین کی عظیم شہادت کو یاد کیا۔ اس موقع پر کئی مقامات پر حادثات بھی پیش آئے جن میں دو افراد جان بحق جبکہ تقریباً 35 زخمی ہو گئے۔ یہ حادثات اتر پردیش، مغربی بنگال اور آندھرا پردش میں پیش آئے۔
Published: undefined
آندھرا پردیش کے کرنول ضلع میں اس وقت حادثہ ہوا جب لوگ محرم کا جلوس دیکھنے لئے چھتوں پر جمع تھے۔ دریں اثنا ایک چھت ٹوٹ گئی جس کی وجہ سے 15 سے زیادہ زخمی ہوگئے۔ تمام زخمیوں کو اسپتال میں داخل کرایا گیا، جن میں سے 5 لوگوں کی حالت تشویش ناک بتائی جا رہی ہے۔
Published: undefined
پولس اس معاملہ کی جانچ میں مصروف ہے اور زخمیوں کا اسپتال میں علاج و معالجہ جاری ہے۔
Published: undefined
مغربی بنگال کے مالدہ ضلع میں چھت گرنے کی وجہ سے ایک بچے کی موت ہو گئی اور ایک خاتون اور تین بچے زخمی ہو گئے۔ پولس نے بتایا کہ حادثہ پیر نورپور جنوبی منڈل پارہ گاؤں میں اس وقت پیش آیا جب ایک زیر تعمیر عمارت سے بچے محرم کا جلوس دیکھ رہے تھے۔ اسی دوران چھت گر گئی جس میں 12 سالہ رمضان شیخ کی جان چلی گئی۔
Published: undefined
اترپردیش میں ضلع سنبھل کے بہجوئی علاقے میں منگل کی صبح محرم کے موقع پر اکبر پور گاؤں میں تعذیہ بجلی کے تار میں الجھ گیا،جس سے کرنٹ لگنے سے ایک شخص کی موت ہوگئی جبکہ 15 لوگ جھلس گئے۔
Published: undefined
پولس ترجمان نے یہاں یہ اطلاع دی۔ انہوں نے بتایا کہ صبح تقریباً پونے چار بجے بہجوئی علاقے کے اکبرپور گاؤں میں بڑی تعداد میں لوگ تعذیہ لے کر جارہے تھے۔ زیادہ اونچائی ہونے کی وجہ سے تعذیہ بجلی کے تاروں میں الجھ گیا۔ اس حادثے میں کرنٹ لگنے سے 35 سالہ تسلیم کی موت ہوگئی اور 15 لوگ جھلس گئے۔ انہوں نے بتایا کہ سبھی لوگوں کو علاج کے لئے اسپتال بھیج دیا گیا ہے۔ اس میں کچھ لوگوں کی حالت نازک ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر آئی اے این ایس