آسمان میں پھر بڑا حادثہ ہوتے ہوتے بچا، ’آکاسا ایئر‘ سے ٹکرایا پرندہ، طیارہ لینڈنگ کے بعد نظر آیا بڑا نشان

ایک بار پھر آسمان میں بڑا حادثہ ہوتے ہوتے رہ گیا۔ واقعہ احمد آباد سے دہلی پہنچ رہے آکاسا ایئر کے طیارہ کے ساتھ پیش آیا۔ جب یہ مسافر طیارہ ہزاروں کلومیٹر کی اونچائی پر اڑ رہا تھا تو اچانک ایک پرندہ اگلے حصے سے ٹکرایا۔ پھر جب طیارہ کی لینڈنگ ہوئی تو اس حادثے کا نشان صاف دیکھا گیا۔ پرندے سے ہوئی اس ٹکراؤ کے بعد طیارہ کو نقصان بھی پہنچا ہے، پھر بھی کوئی بڑا حادثہ نہیں ہوا، یہ سبھی کی خوش قسمتی رہی۔

ڈی جی سی اے کے مطابق حادثہ کا شکار ہونے والی فلائٹ کا نام کیو پی-1333 ہے۔ یہ فلائٹ احمد آباد سے دہلی آ رہی تھی اور ڈیمیج ہونے والا طیارہ میکس کمپنی کا بی-737-8 ایئرکرافٹ ہے۔ قابل ذکر یہ ہے کہ آکاسا ایئرلائنس میں ایسا حادثہ پہلے بھی سامنے آ چکا ہے۔ گزشتہ 15 اکتوبر کو آکاسا ایئرلائنس کی ایک فلائٹ کو پرواز بھرنے کے بعد واپس ممبئی ایئرپورٹ پر لوٹنا پڑا تھا۔ فلائٹ کے کیبن میں کچھ جلنے کی بو آنے کے بعد یہ قدم اٹھایا گیا تھا۔ بعد میں جانچ کے دوران پتہ چلا تھا کہ طیارہ سے کوئی پرندہ ٹکرایا تھا جس وجہ سے حادثہ ہو سکتا تھا، لیکن سمجھداری نے سبھی مسافروں کی جان بچائی۔

واضح رہے کہ گزشتہ کچھ مہینوں میں کئی طیاروں کی ایمرجنسی لینڈنگ دیکھنے کو ملی ہے۔ ہندوستان میں ہی کئی ایئرلائنس ایمرجنسی لینڈنگ ہو چکی ہے جس کی وجہ سے کئی بار افرا تفری کا ماحول بھی پیدا ہوا۔ انڈیگو اور اسپائس جیٹ کے طیاروں کے ساتھ بھی ایمرجنسی لینڈنگ کا معاملہ سامنے آ چکا ہے۔ ایمرجنسی لینڈنگ کی وجہ تکنیکی خامیاں بھی رہی ہیں۔