اتراکھنڈ: کیدارناتھ قومی شاہراہ پر چٹان گرنے سے حادثہ، 8 لوگوں کی موت

دہرادون / رودرپریاگ: اتراکھنڈ میں کیدارناتھ قومی شاہراہ پر آج چٹان گرنے سے آٹھ افراد کی موت ہو گئی۔
پولیس کے مطابق رودرپریاگ ضلع ہیڈکوارٹر سے تقریبا 60 کلو میٹر کیدارناتھ قومی شاہراہ پر چنڈیکادھار کے پاس کل شام پہاڑ سے اچانک چٹان گرگئی اس سے پہلے کہ لوگ کچھ سمجھ پاتے کہ ایک کار اور دو موٹر سائیکلیں اس کی زد میں آ گئیں۔

رودرپریاگ کے ڈیزاسٹر آپریشن سنٹر کے انچارج ہریش چندر شرما نے يو این آئی کو آج بتایا کہ کل شام تقریباً ساڑھے سات بجے کیدارناتھ-گوري كنڈ جانے والے نیشنل ہائی وے نمبر 107 واقع چنڈیكادھار کے پاس چٹان گرنے سے دو موٹر سائیکل اور ایک کار حادثہ کا شکار ہو کر چار سو میٹر گہری کھائی میں جا گري۔اس حادثے میں سرجیت شرما، حامد اور روی کمار کی اسپتال لے جاتے وقت راستے میں موت ہو گئی۔مسٹر شرما نے کہا کہ اندھیرا ہونے کی وجہ سے امدادی کام روک دیا گیا ہے۔

انہوں نے بتایا کہ اتوار کی صبح دوبارہ امدادی کام شروع کیا گیا۔ اس دوران پانچ اور لاشیں برآمد ہوئی ہیں۔ بری طرح کچل جانے کی وجہ سے لاشوں کی فی الحال شناخت نہیں ہوسکی ہے۔