بہار کے موتیہاری میں زہریلی شراب پینے سے 4 افراد کی موت، کئی لوگوں کی بینائی ختم، ایک ملزم گرفتار

بہار کے موتیہاری ضلع واقع رگھوناتھ پور تھانہ کے تحت بالگنگا گاؤں میں مبینہ طور پر زہریلی شراب پینے سے چندو نامی ایک نوجوان کی کل موت ہو گئی۔ تین افراد شدید طور پر بیمار ہو گئے تھے۔ بیمار لوگوں کا علاج شہر کے نجی اسپتالوں میں جاری ہے، جہاں ڈاکٹروں نے ان کی آنکھوں کی روشنی جانے کی بات کہی ہے۔ تاہم اس سے پہلے بھی اس طرح کے سنگین معاملات سامنے آ چکے ہیں۔ رگھوناتھ پور تھانہ کے تحت ہی ایک گاؤں میں تقریباً ڈھائی سال پہلے بھی زہریلی شراب نے موت کا تانڈو مچایا تھا، جس میں کئی لوگ موت کے منہ میں چلے گئے تھے۔