ممبئی میں بریانی اور تربوز کھانے کے بعد ایک ہی کنبہ کے 4 افراد کی موت، اہل خانہ میں غم کی لہر

ممبئی کے پایدھونی میں فوڈ پوائزننگ نے ایک ہنستے کھیلتے کنبہ کو موت کی نیند سلا دیا۔ عبداللہ ڈوکاڈیا، ان کی بیوی اور 2 بیٹیوں کی بریانی اور تربوز کھانے سے طبیعت بگڑی اور پھر علاج کے دوران ان کی موت ہو گئی۔ پولیس اب پوسٹ مارٹم رپورٹ کا انتظار کر رہی ہے تاکہ یہ صاف ہو سکے کہ موت کی اصل وجہ کیا تھی۔

پولیس کے مطابق مہلوکین میں عبداللہ ڈوکاڈیا کی عمر 40 سال، ان کی بیوی نسرین ڈوکاڈیا کی عمر 35 سال اور بیٹیوں عائشہ و زینب کی عمر بالترتیب 16 اور 13 سال تھی۔ موت سے عین قبل کنبہ کے ایک رکن نے پولیس کو بیان دیا تھا کہ رات کے کھانے میں پوری فیملی نے ایک ساتھ پہلے بریانی کھائی تھی اور اس کے کچھ دیر بعد تربوز کھایا تھا۔