ہندوستان میں کورونا سے مرنے والوں کی تعداد بڑھتی جا رہی ہے اور اس درمیان تمل ناڈو میں مبینہ طور پر تین لوگوں کے کورونا آئسولیشن وارڈ میں موت کی خبر سے لوگوں میں دہشت ہے۔ بتایا جاتا ہے کہ کنیا کماری میں واقع ایک آئسولیشن وارڈ میں 2 سالہ بچہ اور دیگر دو لوگوں کی موت ہو گئی۔ ایک شخص کی عمر 66 سال بتائی جاتی ہے جب کہ دوسرے کی عمر تقریباً 24 سال ہے۔
Published: undefined
ان اموات کے تعلق سے تمل ناڈو کے سکریٹری برائے صحت آئی اے ایس ڈاکٹر بیلا راجیش نے میڈیا کو جانکاری دی اور کہا کہ "سبھی تین مریض پہلے سے ہی کسی نہ کسی مرض میں مبتلا تھے۔ ہم ان کے کووڈ-19 کے ہوئے ٹیسٹ کے ریزلٹ کا انتظار کر رہے ہیں۔" گویا کہ ابھی یہ تصدیق نہیں ہو سکی ہے کہ تینوں میں سے کوئی کورونا وائرس کی زد میں تھا یا نہیں۔ لیکن ان کی طبیعت خراب ہونے کے بعد آئسولیشن وارڈ میں رکھا گیا تھا اور ان کا کورونا ٹیسٹ کرایا گیا ہے۔
Published: undefined
میڈیا ذرائع کے مطابق مہلوک دو سالہ بچہ آسٹیو پیٹروسس سے متاثر تھا جب کہ 66 سالہ مہلوک شخص کرانک کڈنی اور لمفوما بیماری میں مبتلا تھا۔ 24 سالہ مہلوک شخص کے بارے میں بتایا جاتا ہے کہ وہ نمونیا کی زد میں تھا۔ تینوں کے کورونا ٹیسٹ ریزلٹ کا انتظار کیا جا رہا ہے تاکہ اس کے بعد آگے کا لائحہ عمل طے کیا جائے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined