ایران کے عراق میں دو فوجی اڈوں پر میزائل حملوں کے بعد امریکی صدر ڈونلڈ ٹرمپ نے کہا ہے کہ ان حملوں میں کوئی امریکی یا عراقی ہلاک نہیں ہوا ہے۔انھوں نے اس میزائل حملے کے ردعمل میں ایران کے خلاف امریکہ کے خلاف اقتصادی پابندیاں بڑھانے کا اعلان کیا ہے۔
Published: undefined
صدر ٹرمپ نے وائٹ ہاؤس میں بدھ کے روز گفتگو کرتے ہوئے کہا کہ ’’گذشتہ رات ایرانی رجیم کے حملے میں کسی امریکی کو کوئی نقصان نہیں پہنچا ہے۔ہمارے تمام فوجی محفوظ ہیں۔ البتہ ہمارے فوجی اڈوں پر معمولی نقصان ہوا ہے۔‘‘انھوں نے مزید کہا کہ امریکی فورسز کسی بھی صورت حال سے نمٹنے کے لیے تیار ہیں۔ اپنے خطاب کے آخر میں صدر ٹرمپ نے کہا کہ ایران بھی داعش کے خلاف لڑ رہاہے اور ہم بھی اس کے خلاف لڑ رہے ہیں ۔ ہمیں مل کر اس کے خلاف لڑنا چاہئے ۔انہوں نے ایران کے بہتر مستقبل کا بھی اپنے بیان میں ذکر کیا ۔ ٹرمپ کے بیانات سے لگتا ہے کہ وہ جنگ کی صورتحال کو ٹالنا چاہتے ہیں اور اب ذمہ داری نیٹو فورسز کو دینا چاہتے ہیں۔
Published: undefined
Published: undefined
صدر ٹرمپ نے ایران کی سپاہِ پاسداران انقلاب کی القدس فورس کے کمانڈر میجر جنرل قاسم سلیمانی کی تین جنوری کو بغداد میں امریکا کے ڈرون حملے میں ہلاکت کے بارے میں بھی گفتگو کی اور کہا کہ ’’ان کی ہدایت پر امریکی فوج نے دنیا کے نمبر ایک دہشت گرد کا خاتمہ کیا ہے۔‘‘ان کا کہنا تھا کہ قاسم سلیمانی اپنی ہلاکت سے قبل امریکی اہداف پر نئے حملوں کی منصوبہ بندی کررہے تھے۔
Published: undefined
انھوں نے امریکی عہدے داروں کے اس الزام کا اعادہ کیا ہے کہ قاسم سلیمانی نے عراق میں امریکی اہلکاروں پر حالیہ حملوں کی منصوبہ بندی کی تھی اور ان میں ایک امریکی سول کنٹریکٹر مارا گیا تھا۔صدر ٹرمپ نے کہا کہ ’’قاسم سلیمانی کے ہاتھ امریکیوں اور ایرانیوں کے خون سے رنگے ہوئے تھے۔انھیں بہت پہلے موت کی نیند سلا دینا چاہیے تھا۔‘‘
Published: undefined
Published: undefined
امریکی صدر نے ایران کے خلاف نئی اضافی اقتصادی پابندیوں عاید کرنے کا اعلان کیا ہے اور یہ فوری طور پر نافذ العمل ہوں گی۔انھوں نے کہا کہ’’ یہ طاقتور پابندیاں اس وقت تک ایران پر عاید رہیں گی جب وہ اپنے کردار کو تبدیل نہیں کردیتا۔‘‘ انھوں نے خلیجِ عرب میں تیل اور مال بردار بحری جہازوں کو پکڑنے اور سعودی عرب میں آرامکو کی تیل کی تنصیبات پر حملوں کا حوالہ دیا ہے۔‘‘امریکا نے ایران پر ان حملوں کا الزام عاید کیا تھا لیکن ایران نے اس کی تردید کی تھی۔
Published: undefined
ٹرمپ کا کہنا تھا کہ ایرانی نظام نے ملک بھر میں حالیہ احتجاجی مظاہروں کے دوران میں ڈیڑھ ہزار سے زیادہ افراد کو ہلاک کیا ہے۔وہ نومبر میں تیل کی قیمتوں میں ہوشربا اضافے کے خلاف احتجاج کرنے والے مظاہرین پر ایرانی سکیورٹی فورسز کے خونیں کریک ڈاؤن کا حوالہ دے رہے تھے۔
Published: undefined
امریکی صدر نے ایران کے ساتھ 2015ء میں طے شدہ جوہری سمجھوتے کو بالکل غیر موثر قراردیا ہے۔ان کا کہنا تھا کہ ایران کو اپنی جوہری خواہشات اور دہشت گردی کی حمایت وپشت پناہی سے دستبردار ہوجانا چاہیے۔
Published: undefined
انھوں نے اس جوہری سمجھوتے کے فریق پانچ دوسرے ممالک برطانیہ ، فرانس ، روس ، جرمنی اور چین سے بھی کہا ہے کہ وہ اس سے دستبردار ہوجائیں۔ان کا کہنا تھا کہ وہ بین الاقوامی فوجی اتحاد نیٹو سے مشرقِ اوسط عمل میں زیادہ کردار ادا کرنے کا کہیں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined