جاپان کے لوگوں نے شنزو آبے کو نم آنکھوں سے الوداع کہا

ٹوکیو: جاپان کے سابق وزیر اعظم شنزو آبے کی منگل کے روز ٹوکیو میں آخری رسوم ادا کر دی گئی ۔اس دوران بڑی تعداد میں لوگوں نے آنجہانی لیڈر کو نم آنکھوں سے الوداع کہا۔

سی این این نے رپورٹ کیا کہ شنزو آبے کی روح کےسکون دینے کے لیےزوجوجی مندر میں ایک پروگرام کا انعقاد کیا گیا۔کانٹو کے علاقے میں زوجوجی مندر ایک تاریخی مقام ہے جو 600 سال سے زیادہ پہلے قائم کیا گیا تھا ۔اس دوران آنجہانی رہنما کو خراج عقیدت پیش کرنے کے لیے بڑی تعداد میں لوگ مندر کے پاس سڑکوں پر جمع ہوئے۔

رپورٹ کے مطابق اس درمیان ہزاروں لوگوں نے جاپان کے شہر نارا میں شنزو آبے کے قتل کی جگہ پر گلہائے عقیدت پیش کیا۔ واضح رہے کہ جاپان کے سب سے طویل عرصے تک وزیر اعظم رہنے والے شنزو آبے کو ٹیٹسویا یاماگامی نے نارا میں گولی مار کر قتل کر دیا تھا۔