ہیوسٹن: امریکی ریاست ٹیکساس میں ڈیلاس کے قریب اتوار کی صبح ایک چھوٹے طیارے کے حادثہ کا شکار ہو جانے کی وجہ سے دس افراد ہلاک ہو گئے۔ ایڈسن شہر کی ترجمان مریم روسین لیتھ کے مطابق مقامی وقت کے مطابق 9 بج کر 10 منٹ پر ایڈسن ہوائی اڈے پر طیارے میں آگ لگنے کی وجہ سے 10 افراد کی موقع پر ہی موت ہو گئی۔
Published: undefined
تفصیلات کے مطابق نجی کمپنی کا جہاز مقامی ایئرپورٹ کے ہینگر میں گرکرتباہ ہوا، کنگ ایئر 350 کے دو انجن کے طیارے پر سوار کوئی شخص زندہ نہیں بچا۔ ایئر لائن حکام کا کہنا ہے کہ حادثے کی وجہ تاحال معلوم نہ ہوسکی، البتہ وفاقی تحقیقاتی اداروں کے ساتھ مل کر تفتیش کر رہے ہیں جلد حقائق سامنے آ جائیں گے۔
Published: undefined
مقامی میڈیا کے مطابق حادثے کے بعد طیارے میں فوراً آگ بھڑک اٹھی، خوش قسمتی سے ایئرپورٹ کے ہینگر میں عملے کا کوئی شخص موجود نہیں تھا، مذکورہ جہاز اپنی نوعیت کا چھوٹا طیارہ ہے جس میں بہ یک وقت 13 افراد سوار ہوسکتے ہیں۔ امریکی ریاست ٹیکساس کے حکام نے حادثے پر گہرے دکھ کا اظہار کرتے ہوئے لواحقین سے تعزیت کا اظہار کیا ہے۔
Published: undefined
واضح رہے کہ رواں سال اپریل میں امریکی ریاست ٹیکساس میں ڈبل انجن طیارہ گر کر تباہ ہونے کے نتیجے میں 6 افراد ہلاک ہوگئے تھے، ہلاک ہونے والوں میں نیویارک کے سابق میئر اور ان کی نواسی بھی شامل تھیں۔ رواں سال مارچ میں کولمبیا میں چھوٹا گیارہ گر کر تباہ ہوگیا تھا حادثے میں 12 افراد ہلاک ہوگئے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز