عالمی خبریں

انڈونیشیا: بحری جہاز میں اچانک لگی آگ، مسافروں نے جان بچانے کے لیے سمندر میں لگا دیں چھلانگیں، 280 لوگ تھے سوار

مسافروں کے ذریعہ ریکارڈ کی گئی ویڈیو میں واضح طور پر دیکھا جا سکتا ہے کہ جہاز پر سوار لوگ اپنی جان بچانے کے لیے کیسے سمندر میں چھلانگ لگا رہے ہیں۔

<div class="paragraphs"><p>ویڈیو گریب</p></div>

ویڈیو گریب

 

انڈونیشیا میں ایک بڑا حادثہ پیش آیا ہے، دراصل ایک مسافر جہاز میں اچانک آگ لگ گئی جس کے بعد خوف کے عالم میں لوگوں نے جہاز سے کودنا شروع کر دیا۔ شمالی سولاویسی میں ٹالیس جزیرہ کے پاس کے ایم بارسلونا وی اے جہاز میں اچانک آگ لگ گئی۔ اس خوفناک مناظر کو کئی مسافروں نے اپنے فون میں بھی قید کر لیا ہے۔

Published: undefined

حادثے کے شکار مسافر جہاز پر 280 سے زائد لوگ سوار تھے، جس میں کئی بچے بھی شامل تھے۔ آگ لگنے کے بعد گھبرائے ہوئے مسافروں نے آگ سے بچنے کے لیے بلا سوچے سمجھے سمندر میں چھلانگ لگانا شروع کر دیا۔ حادثہ کی اطلاع ملتے ہی انڈونیشیا کی تلاش اور ریسکیو ٹیم نے بڑے پیمانے پر لوگوں کو نکالنے کی کوششیں شروع کر دی ہیں۔ اب تک نہ تو آگ لگنے کی اصل وجہ معلوم ہو سکی ہے اور نہ ہی کسی جانی نقصان کی تصدیق ہوئی ہے۔

Published: undefined

مسافروں کے ذریعہ ریکارڈ کی گئی ویڈیو سوشل میڈیا پلیٹ فارم پر تیزی سے وائرل ہو رہی ہے۔ ویڈیو میں واضح طور پر دیکھا جا سکتا ہے کہ جہاز پر سوار لوگ اپنی جان بچانے کے لیے کیسے سمندر میں چھلانگ لگا رہے ہیں۔ ان میں سے زیادہ تر نے لائف سیفٹی جیکٹ پہن رکھی ہے، حالانکہ کئی مسافر تو بغیر لائف سیفٹی جیکٹ کے ہی سمندر میں کود گئے۔ ویڈیو میں سنا جا سکتا ہے کہ لوگ مدد کے لیے زور زور سے آوازیں لگا رہے ہیں۔ آگ کی شدت کا اندازہ اس بات سے لگایا جا سکتا ہے کہ آگ نے پورے جہاز کو اپنی زد میں لے لیا ہے اور سیاہ دھواں کا ایک غبار آسمان کی طرف اٹھتا ہوا نظر آ رہا ہے۔ قریبی ٹالیس جزیرہ سے گزرنے والی کئی ماہی گیری کشتیوں نے کچھ لوگوں کو پانی سے بچایا اور انہیں اپنی کشتیوں میں ساحل تک لے کر گئے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined