چین میں کورونا کا پھیلاؤ جاری، ایک دن میں 40 ہزار نئے کیسز کی تصدیق

بیجنگ: چین کے قومی صحت کمیشن نے اتوار کے روز کہا کہ 26 نومبر کو چین میں 39791 نئے کوویڈ کیسز کی تصدیق کی گئی۔ ان میں سے 3709 معاملہ علامتی اور 36082 غیر علامتی تھے۔ اس کے مقابلے میں ایک دن پہلے 35183 کیسز سامنے آئے تھے۔ ان میں سے 3474 علامتی اور 31709 غیر علامتی انفیکشن تھے۔ اس طرح چین کورونا کیسز کو الگ سے شمار کرتا ہے۔ خبررساں ایجنسی رائٹرز نے یہ اطلاع دی۔

درآمد شدہ انفیکشن کو چھوڑ کر چین نے 39506 نئے مقامی کیسز رپورٹ درج کئے۔ ان میں سے 3648 علامتی اور 35858 غیر علامتی تھے، جو ایک دن پہلے 34909 تھے۔ ایک دن پہلے ایک موت واقع ہوئی تھی، جس کے بعد مرنے والوں کی کل تعداد 5233 ہو گئی۔ 26 نومبر تک چین نے علامات کے ساتھ 307802 کیسوں کی تصدیق کی تھی۔

ایسی صورت حال تب ہے جب بیجنگ کی سخت زیرو کوویڈ پالیسی کے تحت وبائی امراض کے ہلکے پھیلاؤ پر بھی پورے شہروں کو بند کر دیا جاتا تھا۔ متاثرہ مریضوں کے رابطے میں آنے والوں کو قرنطینہ سنٹر میں سختی سے رکھا جاتا ہے۔ صفر کوویڈ پالیسی کی وجہ سے چین میں بھی کافی ناراضگی پائی جاتی ہے۔ اس کے نتیجے میں دنیا کی دوسری سب سے بڑی معیشت میں سست روی نظر آ رہی ہے۔