ویتنام میں عمارت میں خوفناک آتشزدگی، 50 سے زائد افراد ہلاک

ہنوئی: ویتنام کے شہر ہنوئی میں منگل کی رات ایک نو منزلہ اپارٹمنٹ ٹاور میں آگ بھڑک اٹھی، جس کے نتیجے میں 50 سے زائد افراد ہلاک ہوئے۔ آگ بجھانے کے لیے فائر بریگیڈ کی کئی ٹیمیں فوری طور پر موقع پر پہنچیں۔ ملک کی سرکاری خبر رساں ایجنسی وی این اے نے یہ اطلاع دی۔

رپورٹ کے مطابق آگ رات 11:30 کے قریب اس وقت لگی جب بہت سے رہائشی گھروں میں موجود تھے۔ آگ لگنے سے پورے اپارٹمنٹ میں خوف وہراس پھیل گیا اور آس پاس کے لوگ بھی خوفزدہ ہو گئے۔ خبر رساں ایجنسی کا کہنا ہے کہ فائر بریگیڈ کی ٹیم کو 45 گھروں کے ساتھ اپارٹمنٹ کی عمارت تک پہنچنے کے لیے کافی جدوجہد کرنا پڑی کیونکہ یہ عمارت ایک چھوٹی گلی میں تھی۔

فائر بریگیڈ کی گاڑیوں کو عمارت سے 300 سے 400 میٹر دور روکنا پڑا۔ نجی اسپتال کا کہنا ہے کہ آگ لگنے کے بعد اسپتال میں داخل 54 افراد میں سے کئی کی موت ہوگئی۔ ایسوسی ایٹڈ پریس کے مطابق آگ پر قابو پا لیا گیا ہے اور امدادی کارروائیاں جاری ہیں۔

ہنوئی اپنی تنگ گلیوں کے لیے مشہور ہے اور زیادہ تر عمارتیں فرانسیسی نوآبادیاتی دور کی تعمیرات ہیں۔ ان گلیاں سے موٹر سائیکل تو آسانی سے گزر سکتی ہے لیکن بڑی گاڑیوں کے لیے یہ تنگ پڑ جاتی ہیں۔