ایئر انڈیا کی پرواز / آئی اے این ایس
دیوالی کے موقع پر وطن آنے کے لئے سینکڑوں ہندوستانیوں کو اس وقت بڑی پریشانی کا سامنا کرنا پڑا جب اٹلی کے میلان سے دہلی آنے والی ایئر انڈیا کی پرواز منسوخ کر دی گئی ، جس کی وجہ سے دیوالی سے عین قبل سینکڑوں مسافر اٹلی میں پھنس گئے۔ اس سلسلے میں ایئر لائن نے کہا کہ منسوخی تکنیکی مسئلے کی وجہ سے ہوئی اور یہ فیصلہ مسافروں کی حفاظت کو مد نظر رکھتے ہوئے کیا گیا ہے۔
Published: undefined
معلوم ہوکہ 17 اکتوبر کو ایئرانڈیا کی پرواز AI-138 میلان سے دہلی کے لیے پرواز کرنے والی تھی، لیکن یہ پرواز نہیں بھر سکی۔ اس دوران ایئر انڈیا نے کہا کہ تمام متاثرہ مسافروں کو ہوٹل میں رہائش فراہم کی گئی حالانکہ محدود دستیابی کی وجہ سے کچھ مسافروں کو ہوائی اڈے کے باہر ٹھہرایا گیا۔
Published: undefined
ہندوستان کی سب سے بڑی فضائی کمپنی ایئر انڈیا اور پارٹنر ایئر لائنز کے پاس سیٹ کی دستیابی کی بنیاد پر مسافروں کے لئے 20 اکتوبر سے دوبارہ بکنگ شروع کی جارہی ہے حالانکہ ایک معاملہ ایسا بھی ہے جس میں ایک مسافر کا شینگن کا ویزہ 20 اکتوبر کو ختم ہورہا ہے، اس کو ویزہ کے اصولوں کی تعمیل یقینی بنانے کے لئے آج (19 اکتوبر) کو میلان سے روانہ ہونے والی کسی دوسری ایئر لائن کی پرواز میں جگہ دی گئی۔
Published: undefined
اس سلسلے میں ایئر انڈیا نے کہا ہے کہ وہ متاثرہ مسافروں کو کھانا اور دیگر زمینی امداد فراہم کر رہی ہے۔ ایئر لائن کے ترجمان نے کہا کہ ہمیں مسافروں کو ہونے والی تکلیف پر افسوس ہے۔ ایئر انڈیا اپنے مسافروں اور عملے کی حفاظت کے لیے پوری طرح پرعزم ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined