کولکاتا: ہندوستانی فٹ بال ٹیم کے سابق کپتان کے. پردیپ کمار بنرجی کا آج طویل علالت کے بعد 83سال کی عمر میں انتقال ہوگیا ۔ ان کے پسماندگان میں دوبیٹیوں پولا اور پرنا ہیں جو مشہور ماہرین تعلیم ہیں اورکے چھوٹے بیٹے پرسون بنرجی ترنمول کانگریس کے رکن پارلیمنٹ ہیں۔
Published: undefined
واضح رہے کہ پردیپ کماربنرجی ہندوستانی ٹیم کے مایہ ناز کھلاڑی رہ چکے ہیں اور ان کی کپتانی کے دور کو ہندوستانی فٹ بال کا گولڈن دور کہا جاتا ہے۔ان کی قیادت میں ہندوستانی ٹیم نے ایشین گیمز میں گولڈ میڈل جیتا تھا۔ انہیں اسٹرائک میں مہارت حاصل تھی اور اپنی صلاحیت کے دم پر انھوں نے ہندوستان کا نام پوری دنیا میں روشن کیا۔ بعد میں انھوں نے کوچ کی ذمہ داری بھی ادا کی اور اس میں بھی انھیں کافی شہرت حاصل ہوئی۔ اس کے علاوہ انہوں نے موہن بگان اور ایسٹ بنگال دونوں کی کپتانی اور کوچنگ بھی کی ہے۔
Published: undefined
قابل ذکر ہے کہ پی کے بنرجی 2مارچ سے ہی وینٹی لیٹر پر تھے۔آج دوپہر ساڑھے بارہ بجے کے قریب انھوں نے آخری سانس لی۔ 23جون 1936میں جلپائی گوڑی ضلع کے میوناگوری میں پیدا ہوئے بنرجی تقسیم سے قبل اپنے چچا کے گھر جمشید پور میں مقیم تھے۔انہوں نے بین الاقوامی سطح پر 65 گول کیا اور قومی ٹیم کی 84میچوں میں نمائندگی کی۔
Published: undefined
1962میں جکارتہ ایشین گیمز میں گولڈ میڈل جیتنے کے علاوہ انہوں نے 1960میں روم اولمپک میں ہندوستانی ٹیم کی قیادت کی۔ان کے گول کے بدولت ہی ٹیم انڈیا فرانس کے خلاف 1-1سے میچ ڈرا کرنے میں کامیاب ہوئی تھی۔اس سے قبل 1956میں ملبورن اولمپک میں ان کے گول کی بدولت ٹیم انڈیا نے 4-2سے جیت حاصل کی تھی۔ ہندوستانی فٹ بال کیلئے ان کی خدمات ہمیشہ یاد رکھی جائیں گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined