میری سوشل میڈیا آمدنی کے بارے میں خبریں درست نہیں: وراٹ کوہلی

نئی دہلی: ہندوستانی کرکٹ کے سابق کپتان وراٹ کوہلی نے ہفتہ کے روز ان خبروں کو مسترد کر دیا کہ وہ فوٹو شیئرنگ ایپ انسٹاگرام پر فی پوسٹ 11.45 کروڑ روپے کماتے ہیں۔ کوہلی نے اپنے ٹوئٹ میں لکھا ’’زندگی میں جو کچھ بھی ملا میں اس کے لیے شکر گزار اور مقروض ہوں، سوشل میڈیا پر میری کمائی کے بارے میں گردش کرنے والی خبریں درست نہیں ہیں‘‘

خیال رہے کہ وراٹ کوہلی اکثر انسٹاگرام پر کسی نہ کسی چیز کی تشہیر کرتے نظر آتے ہیں اور ان اشتہارات کے ذریعے وہ اچھی کمائی بھی کرتے ہیں لیکن یہ واضح نہیں ہے کہ وہ ایک پوسٹ کے لیے کتنا معاوضہ حاصل کرتے ہیں۔ تاہم کوہلی نے میڈیا رپورٹس کے تمام دعووں کی تردید کی ہے۔