کراچی: 2009 میں دہشت گردانہ حملے کے دس برس بعد سری لنکا کی کرکٹ ٹیم صدر سطح کی سیکورٹی کے درمیان ایک بار پھر دوطرفہ کرکٹ سیریز کے لئے پاکستان پہنچ گئی ہے۔ میزبان ٹیم کے کپتان سرفراز احمد نے مداحوں سے کراچی کے نیشنل اسٹیڈیم میں پہنچ کر تاریخ کاحصہ بننے کی اپیل کی ہے۔
Published: undefined
پاکستان میں 2015کے بعد پہلی بار کسی یک روزہ بین الاقوامی کرکٹ سیریز کی میزبانی ہورہی ہے۔ 2009 میں سری لنکا کی ٹیم کی بس پر لاہور کے قذافی اسٹیڈیم پر دہشت گردانہ حملے کے بعد سے ہی پاکستان میں بین الاقوامی کرکٹ تقریباََ بند ہے اور وہ تب سے ہی اپنے گھریلو ٹورنامنٹ متحدہ عرب مارات میں کھیل رہا ہے۔ اس واقعہ کے تقریباََ دس برس بعد سری لنکا کی ٹیم کا بھی یہ پہلا دورہ پاکستان ہے۔
Published: undefined
بہرحال سیکورٹی اسباب سے سری لنکا کی ٹیم کے کئی سینئر کھلاڑی دورہ کا حصہ نہیں ہیں۔ دانش شناکا کی قیادت میں پاکستان پہنچی سری لنکائی ٹیم کو صدر کی سطح کی اعلی سیکورٹی کے درمیان کراچی پہنچی، جہاں 27,29سمتبر اور 2اکتوبر کو تین ون ڈے میچوں کی سیریز ہونی ہے۔ اس کے بعد لاہور میں ٹیم تین ٹی۔20میچوں کی سیریز کھیلی جائے گی۔
Published: undefined
اس درمیان پاکستان کے کپتان سرفراز احمد نے اہل وطن سے کراچی کے نیشنل اسٹیڈیم میں بڑی تعداد میں پہنچ کر سیریز کا حصہ بننے کی اپیل کی ہے۔ انہوں کہا کہ میں اپنے اہل وطن کے سامنے دو طرفہ سیریز میں پاکستانی ٹیم کی کپتانی کررہا ہوں جو میرے کیریر کا سب سے بڑا موقع ہے۔ میں میچ کا انتظار نہیں کرپارہا ہوں اورامید کرتا ہوں کہ بڑی تعداد میں لوگ میرے ساتھ کھڑے ہوں گے اور دونوں ٹیموں کی حوصلہ افزائی کریں گے۔ کراچی میں ہم تاریخ رقم کریں گے جو جنوری 2009کے بعد یہاں ہماری پہلی سیریز ہوگی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined