رانچی: جھارکھنڈ کے بائیں ہاتھ کے اسپنر شہباز ندیم کو ہفتہ کے روز اپنے گھریلو حامیوں کے سامنے ہندوستانی ٹیسٹ کرکٹ ٹیم میں قدم رکھنے کا موقع مل گیا، جس کے ساتھ ہی وہ ملک کے لیے اس فارمیٹ میں کھیلنے والے 296 ویں کھلاڑی بھی بن گئے۔
Published: 20 Oct 2019, 9:01 AM IST
ہندوستانی کپتان وراٹ کوہلی نے رانچی میں جےایس سی بین الاقوامی اسٹیڈیم میں ہفتے کے روز سے جنوبی افریقہ کے خلاف شروع ہوئے تیسرے ٹیسٹ کے پہلے دن اپنے آخری الیون میں ایک تبدیلی کرتے ہوئے فاسٹ بولر ایشانت شرما کو باہر بیٹھا کر ندیم کو ٹیم میں کھیلنے کا موقع دیا۔
Published: 20 Oct 2019, 9:01 AM IST
ندیم کو جمعہ کے روز ہی ٹیم میں چائنا مین گیند باز کلدیپ یادو کی جگہ ٹیم میں شامل کیا گیا تھا۔ یادو کے کندھے میں چوٹ لگ گئی تھی۔ لیکن کپتان وراٹ نے ندیم کو، جو گزشتہ کافی عرصے سے ہندوستان اے ٹیم کے لئے بہترین کارکردگی کا مظاہرہ کر رہے ہیں، آخری الیون میں بھی جگہ بنانے کا موقع دے دیا۔
Published: 20 Oct 2019, 9:01 AM IST
تیس سالہ ندیم نے اب تک ہندوستان کے لیے فرسٹ کلاس کرکٹ میں 110 میچ کھیلے ہیں جن میں ان کے نام 424 وکٹ درج ہیں۔ وہ انڈین پریمیئر لیگ میں بھی متاثر کرتے ہوئے 64 میچوں میں 42 وکٹ لے چکے ہیں۔ اس کے علاوہ رنجی ٹرافی کے 2015۔16 اور 2016۔17 سیشن میں انہوں نے 50 سے زائد وکٹ اپنے نام کئے ہیں۔
Published: 20 Oct 2019, 9:01 AM IST
گزشتہ برس ندیم نے وجے ہزارے ٹرافی میں 10 رن پر آٹھ وکٹ لیکر بہترین کارکردگی کا مظاہرہ کیا تھا۔ وہ طویل عرصے سے ہندوستان اے ٹیم کا حصہ ہیں۔ انہوں نے گزشتہ ماہ جنوبی افریقہ کے دورے پر دو میچوں میں آٹھ وکٹ لئے تھے۔ انہوں نے اس سال ویسٹ انڈیز اے کے خلاف تین فرسٹ کلاس میچوں میں 15 وکٹ اور انگلینڈ لائنز کے خلاف دو میچوں میں سات وکٹ لئے۔
ندیم کو گزشتہ سال اکتوبر میں ویسٹ انڈیز کے خلاف ٹوئنٹی 20 ٹیم میں شامل کیا گیا تھا لیکن وہ آخری الیون میں جگہ نہیں بنا سکے تھے۔
Published: 20 Oct 2019, 9:01 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 20 Oct 2019, 9:01 AM IST