کانگریس کی جنرل سکریٹری پرینکا گاندھی نے اتوار کے روز ہندوستانی کرکٹ ٹیم کو انگلینڈ میں چل رہے عالمی کپ 2019 میں اپنے آخری لیگ مقابلہ میں سری لنکا پر شاندار جیت کی مبارک باد پیش کی ہے۔ انہوں نے نیوزی لینڈ کے ساتھ ہونے جا رہے سیمی فائنل میچ کے لئے نیک خواہشت پیش کی ہیں۔ ہندوستانی ٹیم سیمی فائنل میں منگل کے روز نیوزی لینڈ سے مقابلہ کرے گی۔
Published: undefined
پرینکا گاندھی نے ٹوئٹ میں لکھا، ’’ٹیم انڈیا کو سری لنکا پر شاندار جیت کی مبارک باد۔ ہندوستانی ٹیم عالمی کپ میں سب سے بہترین کارکردگی کا مظاہرہ کرنے والی ٹیم بن کر ابھری ہے۔ پورا ہندوستان آپ کے ساتھ ہے، ٹیم انڈیا! سیمی فائنل کے لئے نیک خواہشات۔‘‘
Published: undefined
واضح رہے کہ ہفتہ کے روز لیڈز کے میدان پر کھیلے گئے آخری لیگ میچ میں ہندوستان نے شاندار کارکردگی کا مظاہر کرتے ہوئے سری لنکا کو 7 وکٹ سے شکست دی اور اسی کے ساتھ پوانٹ ٹیبل میں بھی سر فہرست آ گئی۔ کے ایل راہل اور روہت شرما نے شاندار سنچریاں اسکور کیں جس کی مدد سے ہندوستان نے آخری لیگ میچ کو شاندار طریقہ سے ختم کیا۔
Published: undefined
ٹیم انڈیا اور نیوزی لینڈ کا اس عالمی کپ میں ابھی تک کوئی مقابلہ نہیں ہو پایا ہے کیوںکہ جس میچ میں انہیں مد مقابل ہونا تھا اس میں بارش کی وجہ سے ٹاس بھی نہیں ہو سکا تھا۔ اس میچ سے دونوں ٹیموں کو ایک ایک پوائنٹ حاصل ہوا تھا۔ ادھر دوسرے سیمی فائنل میں دو روایتی حریف آسٹریلیا اور انگلینڈ مدِ مقابل ہوں گے۔ آسٹریلیا اور انگلینڈ کے میچ کو ’منی ایشیز‘ کا نام دیا جا رہا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined