نئی دہلی: ہندوستانی فاسٹ بولر محمد سمیع دوسری اننگز میں زیادہ خطرناک ہو جاتے ہیں اور اس بات کو انہوں نے ایک بار پھر ثابت کر دیا ہے۔ سمیع نے وشاکھاپٹنم میں جنوبی افریقہ کے خلاف پہلے ٹیسٹ کے پانچویں اور آخری دن 35 رن پر پانچ وکٹ لے کر ہندستان کو 203 رنز سے جیت دلائی۔ سمیع کو پہلی اننگز میں کوئی وکٹ حاصل نہیں ہوا تھا لیکن سمیع کی دوسری اننگز کی خطرناک گیند بازی کے سبب جنوبی افریقہ ٹیم دوسری اننگز میں محض 191 رنز پر سمٹ گئی۔
Published: undefined
گزشتہ 23 برسوں میں یہ پہلا موقع ہے جب کسی ہندوستانی فاسٹ بولر نے گھریلو ٹیسٹ کی چوتھی اننگز میں پانچ وکٹ حاصل کیے ہیں۔ اس سے پہلے 1996 میں جوگل سری ناتھ نے احمد آباد میں جنوبی افریقہ کے خلاف چوتھی اننگز میں پانچ وکٹ لئے تھے۔ اس فہرست میں دیگر ہندوستانی فاسٹ بولر كرزن گھاوری، کپل دیو اور مدن لال ہیں۔
Published: undefined
سال 2018 کے بعد سے سمیع دوسری اننگز میں تین بار پانچ وکٹ لے چکے ہیں جو کسی بولر کے لئے سب سے زیادہ ہے۔ وہ 15مرتبہ دوسری اننگز میں 17.70 کی اوسط سے 40 وکٹ حاصل کر چکے ہیں۔ اس کے مقابلے 16 بار پہلی اننگز میں انہوں نے 37.56 کے اوسط سے صرف 23 وکٹ لئے ہیں اور پہلی اننگز میں ان کی بہترین کارکردگی 64 رن پر تین وکٹ رہی ہے۔
Published: undefined
ہندوستانی کپتان وراٹ کوہلی نے سمیع کی تعریف کرتے ہوئے کہاکہ سمیع ہمارے لئے دوسری اننگز میں مسلسل اسٹڑائیک بولر رہے ہیں۔ اگر آپ ان کے چار پانچ وکٹ کی کارکردگی کو دیکھیں تو وہ سب کے سب دوسری اننگز میں آئے ہیں جب ٹیم کو وکٹوں کی اشد ضرورت تھی۔ اگر گیند تھوڑا بھی ریورس ہو رہی ہے تو سمیع خطرناک ہو جاتے ہیں۔
Published: undefined
سمیع نے اپنے کپتان وراٹ کی تعریف کرتے ہوئے کہا کہ وراٹ گیند بازوں کو اس بات کی آزادی دیتے ہیں کہ ان کا اسپیل کتنا لمبا رہے گا۔ سمیع نے کہاکہ وراٹ کپتان کے طور پر ہمیشہ ہماری باتیں سنتے ہیں اور اس کے علاوہ ہمیں اس بات کی آزادی دیتے ہیں کہ ہم اپنی حکمت عملی پر کام کریں۔ وہ ہمیں اس بات کی آزادی دیتے ہیں کہ ہم اپنے اسپیل میں پانچ، سات یا اس سے زیادہ اوور بولنگ کرنا چاہتے ہیں۔ وہ ہمارے اوپر انحصار کرتے ہیں اور ہمیں ان پر پورا بھروسہ ہے۔
Published: undefined
تین میچوں کی سیریز کا دوسرا ٹیسٹ میچ 10 اکتوبر سے پنے میں کھیلا جائے گا جبکہ تیسرا ٹیسٹ 19 اکتوبر سے رانچی میں کھیلا جائے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا