آخر کے 3 اوور میں ویسٹ انڈیز کے بلے بازوں نے خراب بلے بازی کی جس کی وجہ سے سری لنکا 23 رنوں سے فتحیاب ہو گیا۔ اس طرح دیکھا جائے تو ایک بار پھر ویسٹ انڈیز جیت کے قریب جا کر فتح حاصل نہیں کر سکا۔ نکولس پورن کی سنچری بے کار گئی۔
Published: 01 Jul 2019, 2:57 PM IST
سری لنکا کے تیز گیندباز لستھ ملنگا نے تھامس کو آوٹ کر ویسٹ انڈیز کے لیے مشکلیں پیدا کر دی ہیں۔ نواں وکٹ گر چکا ہے اور ابھی 27 رن مزید بنانے ہیں۔ صرف ایک اوور مزید باقی ہے۔ یعنی 6 گیند میں اب 27 رن بنانے ہیں۔ 49 اوور میں اسکور 312 رن ہے۔
Published: 01 Jul 2019, 2:57 PM IST
سنچری میکر کولس پورن سری لنکائی پارٹ ٹائم گیندباز میتھیوز کی پہلی گیند پر آوٹ ہو گئے ہیں اور اس کے سات ہی سری لنکا کی میچ میں واپسی ہوئی ہے۔ یہ ویسٹ انڈیز کا آٹھواں وکٹ گرا ہے۔ اب 48 اوور ہو چکے ہیں اور ویسٹ انڈیز کا اسکور 311 ہے۔
Published: 01 Jul 2019, 2:57 PM IST
ویسٹ انڈیز کے بلے باز نکولس پورن بہترین بلے بازی کر رہے ہیں اور وہ 95 گیندوں میں 107 رن بنا چکے ہیں۔ وہ ویسٹ انڈیز کو سری لنکا کے خلاف فتحیاب کرانے کی پوری کوشش کر رہے ہیں۔ حالانکہ فیبرین ایلن 32 گیندوں میں شاندار 51 رن بنا کر ساتویں وکٹ کی شکل میں آوٹ ہو چکے ہیں لیکن 5 اوور میں 47 رن بہت مشکل قرار نہیں دیا جا سکتا۔ اگر پورن آخر تک بلے بازی کرتے ہیں تو وہ سری لنکا کے لیے مشکلیں کھڑی کر سکتے ہیں۔ فی الحال پورن کا ساتھ دینے شیلڈن کاٹریل آئے ہیں اور ان کے بعد تھامس اور گیبریل آنے باقی ہیں۔
Published: 01 Jul 2019, 2:57 PM IST
ویسٹ انڈیز کو بریتھ ویٹ کی شکل میں چھٹا جھٹکا لگ گیا ہے۔ بریتھ ویٹ 15 گیندوں پر 8 رن بنا کر رن آؤٹ ہوئے۔ اس وقت ویسٹ انڈیز کے 199 رن ہو چکے ہیں اور 35واں اوور پھینکا جا رہا ہے۔ ابھی ویسٹ انڈیز کو 15.3 اوور میں مزید 140 رن بنانے ہیں۔ نیٹ رَن ریٹ تقریباً 10 کا ہو چکا ہے۔
Published: 01 Jul 2019, 2:57 PM IST
ویسٹ انڈیز کی نصف ٹیم پویلین پہنچ چکی ہے اور پانچویں وکٹ کی شکل میں کپتان ہولڈر آؤٹ ہوئے ہیں۔ انھوں نے 26 گیندوں پر 26 رن بنائے اور وینڈرسے کی گیند پر مینڈس کو کیچ تھما بیٹھے۔ اس وقت پورن اور بریتھ ویٹ بلے بازی کر رہے ہیں۔
Published: 01 Jul 2019, 2:57 PM IST
ویسٹ انڈیز نے 20 اوور میں 4 وکٹ کے نقصان پر 94 رن بنا لیے ہیں۔ اب اسے جیت کے لیے 30 اوور میں 245 رن بنانے ہیں۔ اس طرح دیکھا جائے تو ان کا فی اوور رَن ریٹ 8.16 پہنچ چکا ہے۔ ویسٹ انڈیز ٹیم کا موجودہ رَن ریٹ 5 سے بھی کم ہے۔ ویسٹ انڈیز کو اگر 339 رن کا ہدف حاصل کرنا ہے تو نہ صرف تیزی سے رن بنانا ہوگا بلکہ وکٹ بھی بچانا ہوگا جو کہ مشکل نظر آ رہا ہے۔
Published: 01 Jul 2019, 2:57 PM IST
ویسٹ انڈیز کے لیے 339 رن کے ہدف کا پیچھا کرنا مشکل ثابت ہو رہا ہے۔ اس کا چوتھا وکٹ بھی ہٹمایر کی شکل میں گر چکا ہے اور اب ایسا محسوس ہو رہا ہے جیسے میچ سری لنکا کی مٹھی میں بہت آسانی کے ساتھ جا رہی ہے۔ ہٹمایر 38 گیندوں پر 29 رن بنا کر رن آؤٹ ہوئے۔ اس وقت ویسٹ انڈیز کا اسکور 18 اوور میں 4 وکٹ کے نقصان پر 84 رن ہے۔
Published: 01 Jul 2019, 2:57 PM IST
48 گیندوں میں 35 رن بنا کر کرس گیل بھی پویلین لوٹ گئے ہیں۔ 2 چھکے اور 1 چوکا کی مدد سے انھوں نے یہ رن بنائے اور کسُن رجیتھا کی گیند پر ونڈرسے کو آسان کیچ تھما بیٹھے۔ جب کرس گیل آؤٹ ہوئے تو 16واں اوور چل رہا تھا اور ٹیم کا اسکور 71 رن تھا۔ یہاں سے ویسٹ انڈیز کی جیت کی امیدیں مدھم ہوتی ہوئی نظر آ رہی ہیں کیونکہ 34.4 اوور میں 268 رن بنانے ہیں۔
Published: 01 Jul 2019, 2:57 PM IST
2 وکٹ جلدی جلدی آؤٹ ہو جانے کی وجہ سے ویسٹ انڈیز کی ٹیم دباؤ میں آ گئی ہے۔ اس دباؤ کا نتیجہ یہ ہوا ہے کہ 10 اوور میں محض 37 رن بنے ہیں جب کہ کرس گیل ابھی میدان میں جمے ہوئے ہیں۔ کرس گیل نے 27 گیندوں میں محض 13 رن بنائے ہیں جب کہ ان کے ساتھ کھیل رہے ہٹمایر نے 17 گیندوں پر 12 رن بنائے ہیں۔ ویسٹ انڈیز کے دونوں وکٹ لستھ ملنگا نے لیے ہیں اور قابل ذکر ہے کہ ملنگا کے ایک اوور میں کرس گیل اور ہٹمایر دونوں کا ہی کیچ سری لنکائی فیلڈروں نے چھوڑ دیے۔
Published: 01 Jul 2019, 2:57 PM IST
ویسٹ انڈیز کا دوسرا وکٹ بھی شائی ہوپ کی شکل میں گر گیا۔ انھیں 5 رن کے انفرادی اسکور پر ملنگا نے بولڈ کر دیا۔ ویسٹ انڈیز کا دوسرا وکٹ 22 رن کے اسکور پر گرا۔ اس طرح سے اب ویسٹ انڈیز کی ٹیم مشکل میں نظر آ رہی ہے۔ کرس گیل کریز پر جمے ہوئے ہیں لیکن ان کی بلے بازی میں بھی کوئی جوش نظر نہیں آ رہا ہے۔ وہ کافی دھیمی بلے بازی کر رہے ہیں۔ ان کا ساتھ دینے ہٹمایر آئے ہیں جو عالمی کپ میں کافی اچھی بلے بازی کرتے ہوئے نظر آئے ہیں۔
Published: 01 Jul 2019, 2:57 PM IST
سنیل ایمبرس کو ملنگا نے سستے میں آؤٹ کر کے ویسٹ انڈیز کو مشکل میں ڈال دیا ہے۔ ایمبرس 6 گیندوں میں 5 رن بنا کر اس وقت آؤٹ ہوئے جب ویسٹ انڈیز کا اسکور 12 رن تھا۔ انھوں نے وکٹ کیپر کو آسان کیچ تھما دیا۔ اب کرس گیل کا ساتھ دینے شائی ہوپ آئے ہیں۔
Published: 01 Jul 2019, 2:57 PM IST
سری لنکا نے ویسٹ انڈیز کے خلاف پہلے بلے بازی کرتے ہوئے 50 اوور میں 338 رن بنائے اور اس کے 6 وکٹ آؤٹ ہوئے۔ اب ویسٹ انڈیز کو جیت کے لیے 339 رن بنانے ہوں گے۔ رنوں کا یہ پہاڑ حاصل کرنا ویسٹ انڈیز کے لیے مشکل نظر آ رہا ہے لیکن کرس گیل اگر کچھ کارنامہ کر جائیں تو پھر ناممکن کچھ بھی نہیں۔ ویسے سری لنکا کو یہ میچ جیتنا بہت ضروری ہے تاکہ وہ ٹورنامنٹ میں برقرار رہے۔ ویسٹ انڈیز پہلے ہی ٹورنامنٹ سے باہر ہو چکی ہے۔
Published: 01 Jul 2019, 2:57 PM IST
سری لنکا نے آخر کے اووروں میں کچھ وکٹ جلدی جلدی گنوا دیے ہیں۔ اوشکا فرنانڈو جہاں سنچری بنانے کے بعد فوراً آؤٹ ہو گئے وہیں اڈانا بھی محض 3 رن بنا کر آؤٹ ہو گئے۔ تھیرامننے 30 گیند میں 41 رن بنا کر کھیل رہے ہیں۔
Published: 01 Jul 2019, 2:57 PM IST
اوِشکا فرنانڈو کی لاجواب بلے بازی سے سری لنکا 350 کے اسکور کی طرف گامزن ہے۔ 47 اوور میں اسکور 4 وکٹ کے نقصان پر 313 رن ہو چکا ہے۔ فرنانڈو کے ساتھ تھیرامننے بلے بازی کر رہے ہیں جو کہ اس وقت 25 گیندوں میں 32 رن بنا چکے ہیں۔ فرنانڈو نے 102 گیند پر 104 رن بنائے ہیں۔
Published: 01 Jul 2019, 2:57 PM IST
ویسٹ انڈیز کے کپتان جیسن ہولڈر نے میتھیوز کو بولڈ کر سری لنکا کو چوتھا جھٹکا دیا۔ میتھیوز 20 گیند میں 26 رن بنا کر آؤٹ ہوئے۔ ویسے سری لنکا اس وقت مضبوط پوزیشن میں ہے۔ 40 اوور میں اس کا اسکور 4 وکٹ کے نقصان پر 53 رن ہے۔ سری لنکا بڑے اسکور کی طرف گامزن ہے اور اگر ویسٹ انڈیز کو انھیں 300 کے اندر روکنا ہے تو جلد سے جلد کچھ وکٹوں کی ضرورت ہے۔
Published: 01 Jul 2019, 2:57 PM IST
ویسٹ انڈیز کے اسپن گیند باز فیبین ایلن نے بہترین بلے بازی کر رہے کسل مینڈس کو 39 رن پر آؤٹ کر پویلین بھیج دیا۔ انھوں نے مینڈس کا اپنی ہی گیند پر بہترین کیچ پکڑ کر سری لنکا کو تیسرا جھٹکا دیا۔ آج کے میچ میں ایلن کا یہ پہلا وکٹ ہے۔
Published: 01 Jul 2019, 2:57 PM IST
دونوں اوپنر بلے بازوں کے آؤٹ ہونے کے بعد تیسرے اور چوتھے نمبر کے بلے بازوں اوشکا اور مینڈس نے سری لنکا کو مضبوطی دیتے ہوئے 30 اوور کے بعد اسکور 173 رن پہنچا دیا ہے۔ اوشکا جہاں 32 رن بنا کر کھیل رہے ہیں وہیں مینڈس نے 35 رن بنائے ہیں۔ ویسٹ انڈیز کے گیندباز ان دونوں بلے بازوں کو کسی بھی طرح مشکل میں نہیں ڈال پا رہے ہیں۔
Published: 01 Jul 2019, 2:57 PM IST
سری لنکا کے سلامی بلے باز کرونارتنے اور پریرا ٹیم کو اچھی شروعات دینے کے بعد جلدی جلدی آؤٹ ہو گئے۔ کرونارتنے جہاں 48 گیند میں 32 رن بنا کر جیسن ہولڈر کا شکار بنے، وہیں کسل پریرا 51 گیند میں 64 رن بنا کر رن آؤٹ ہو گئے۔ اس وقت اوشکا اور مینڈس بلے بازی کر رہے ہیں۔
Published: 01 Jul 2019, 2:57 PM IST
سری لنکا کے سلامی بلے بازوں نے ویسٹ انڈیز کے گیندبازوں کو 15 اوور تک کوئی بھی کامیابی حاصل کرنے کا موقع نہیں دیا ہے۔ کرونا رتنے اور کسل پریرا دونوں ہی بہترین بلے بازی کرتے ہوئے نظر آ رہے ہیں۔ 15 اوور میں ٹیم کا اسکور ان دونوں نے 91 رن پہنچا دیا ہے۔ کرونارتنے 32 اور پریرا 58 رن بنا کر کھیل رہے ہیں۔
Published: 01 Jul 2019, 2:57 PM IST
ویسٹ انڈیز کے خلاف سری لنکا کے سلامی بلے بازوں نے اچھی کارکردگی کا مظاہرہ کیا ہے۔ پہلے 10 اوور میں کپتان کرونارتنے اور کسل پریرا نے اپنی ٹیم کو کوئی نقصان نہیں ہونے دیا اور 49 رن بھی بٹور لیے۔ ویسٹ انڈیز کی جانب سے اب تک تین تیز گیندبازی گیندبازی کر چکے ہیں، لیکن ابھی تک انھیں کوئی کامیابی نہیں ملی ہے۔
Published: 01 Jul 2019, 2:57 PM IST
ویسٹ انڈیز کے کپتان جیسن ہولڈر نے ٹاس جیت کر سری لنکا کے کپتان کرونارتنے کو پہلے بلے بازی کی دعوت دی ہے۔ آج کا میچ سری لنک کے لیے انتہائی اہمیت کا حامل ہے کیونکہ وہ اگر اس میچ کو ہار جاتی ہے تو ٹورنامنٹ سے باہر ہو جائے گی۔ دوسری طرف ویسٹ انڈیز کی ٹیم پہلے ہی ٹورنامنٹ سے باہر ہو چکی ہے۔ قابل غور بات یہ ہے کہ عالمی کپ میں ویسٹ انڈیز کے خلاف آخری تین میچ سری لنکا نے جیتے ہیں۔ اب دیکھنا یہ ہے کہ آج کے میچ کا نتیجہ کیا رہتا ہے۔
Published: 01 Jul 2019, 2:57 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 01 Jul 2019, 2:57 PM IST
تصویر: محمد تسلیم
تصویر: سوشل میڈیا