عالمی کپ میں جنوبی افریقہ کے خلاف کھیلتے ہوئے نیوزی لینڈ نے 242 رنوں کے ہدف کا تعاقب کرتے ہوئے کپتان کین ولیمسن کی شاندار سنچری (106 رن) اور کولن ڈی گرینڈہوم کی نصف سنچری (60 رن) کی بدودلت 48.3 اوور میں 245 رن بنا کر جیت لیا۔
میچ میں کئی مواقع ایسے آئے جب جنوبی افریقہ کی ٹیم نیوزی لینڈ کو خراب صورت حال میں پہنچا سکتی تھی لیکن افریقہ کھلاڑیوں نے کئی مرتبہ خراب فیلڈنگ کی اور ان مواقع کا کوئی فائدہ ٹیم کو حاصل نہیں ہو سکا۔ واضح رہے کہ اس میچ کے شروع ہونے سے قبل بارش ہو رہی تھی جس کی وجہ سے میچ کو 49 اوور فی اننگ کر دیا گیا تھا۔
قبل ازیں، نیوزی لینڈ نے ٹاس جیتا اور جنوبی افریقہ کو پہلے بالے بازی کی دعوت دی۔ جنوبی افریقہ کی ٹیم 6 وکٹ کے نقصان پر 241 رن ہی بنا سکی۔ میچ میں سنچری بنانے والے نیوزی لینڈ کے کپتان کین ولیمسن کو شاندار کارکردگی کے لئے مین آف دی میچ قرار دیا گیا۔
Published: 19 Jun 2019, 4:10 PM IST
جنوبی افریقہ اور نیوزی لینڈ میں کانٹے کا مقابلہ جاری ہے اور میچ آخری اوور تک کھنچ گیا ہے۔ اب آخری 6 گیندیں باقی ہیں اور نیوزی لینڈ کو جیت کے لئے صرف 8 رن درکار ہیں، جب کہ اس کے چار کھلاڑی ابھی آؤٹ ہونے سے باقی ہیں۔ مطلوبہ رن حالانکہ زیادہ نہیں ہیں لیکن اگر جنوبی افریقہ آخری اوور میں ایک یا دو وکٹ لینے میں کامیاب رہتی ہے تو اس کے لئے موقع بن سکتا ہے۔
Published: 19 Jun 2019, 4:10 PM IST
48 ویں اوور کی پہلی گیند پر 60 رن بنا کر ٹکے ہوئے گرینڈ ہوم کو ڈو پلیسی کے ہاتھوں کیچ آؤٹ کرا کر لنگی اینگدی نے جنوبی افریقہ کو میچ میں پھر سے واپسی کرا دی ہے۔ نئے بلے باز سینٹنر میدان پر پہنچے ہیں جبکہ دوسرے بلے باز کین ولیمسن 92 رن بنا کر کھیل رہے ہیں۔
فی الحال نیوزی لینڈ کا اسکور 228/6 ہے اور اسے جیت کے لئے 10 گیندوں میں 14 رن درکار ہیں۔
Published: 19 Jun 2019, 4:10 PM IST
نیوزی لینڈ کو 137 رن کے اسکور پر جے نیشم کے بطور پانچواں جھٹکا لگا ہے۔ انہیں 23 کے نجی اسکور پر کرس مورس نے ہاشم آملہ کے ہاتھوں کیچ آؤٹ کرایا۔ کرس کا یہ تیسرا وکٹ تھا۔ نیشن کے آؤٹ ہونے کے بعد گرینڈہوم میدان پر پہنچے ہیں جبکہ دوسرے کھلاڑی کین ولیمسن 63 رن بنا کر نابعد ہیں۔
فی الحال 32.2 اوورو ہو چکے ہیں اور نیوزی لینڈ کو 243 رنوں کے ہدف کا تعاقب کرتے ہوئے 100 گیندوں میں مزید 105 رن درکار ہیں۔
Published: 19 Jun 2019, 4:10 PM IST
جنوبی افریقہ نے 72 رن سے لے کر 80 رن تک نیوزی لینڈ کے تین وکٹ لے کر میچ میں زبردست واپسی کی ہے۔ جنوبی افریقہ کو چوتھی کامیابی بھی کرس مورس نے دلوائی، انہوں نے محض ایک رن کا تعاون کیا۔
فی الحال 20 اوور کا کھیل مکمل ہونے کے بعد نیوزی لینڈ کا اسکور 86/4 ہے اور جیت کے لئے اسے ابھی 29 اووروں میں 4.30 رن فی اوور کی شرح سے مزید 156 رن بنانے ہین۔
جنوبی افریقہ کی طرف سے کرس مورس نے سب سے زیادہ دو وکٹ جبکہ فیلوکوایو اور رباڈا نے ایک ایک وکٹ حاصل کیا ہے۔
Published: 19 Jun 2019, 4:10 PM IST
نیوزی لینڈ نے اپنا تیسرا وکٹ بھی کھو دیا ہے۔ 74 کے اسکور پر روس ٹیلر کو کرس مورس کی گیند پر ڈی کاک نے لپکا
Published: 19 Jun 2019, 4:10 PM IST
مارٹن گپٹل کے طور پر نیوزی لینڈ کو 72 کے اسکور پر دوسرا جھٹکا لگا ہے۔ گپٹل فیلو کوایو کی گیند پر ہٹ وکٹ آؤٹ ہوئے۔ گپٹل کے آؤٹ ہونے کے بعد روس ٹیلر میدان پر پہنچے ہیں۔ 15 اوور ختم ہونے کے بعد نیوزی لینڈ کا اسکور 72/2 ہے۔
Published: 19 Jun 2019, 4:10 PM IST
جنوبی افریقہ کی طرف سے دئے گئے 242 رنوں کے ہدف کا تعاقب کرنے اتری نیوزی لینڈ نے اپنا پہلا وکٹ 12 رن کے مجموعی اسکور پر کھو دیا ہے۔ سلامی بلے باز منرو نے 9 رونوں کا تعان کیا، انہوں رباڈا نے کاٹ ایند بولڈ آؤٹ کیا۔ منرو کے آؤٹ ہونے کے بعد کپتان کین ولیمسن میدان پر پہنچے ہیں۔ جبکہ دوسرے سلامی بلے باز مارٹن گپٹل 23 رن بنا کر کھیل رہے ہیں۔
نیوزی لینڈ کا اسکور فی الحال 8.3 اوور کے بعد ایک وکٹ کے نقصان پر 40 رن ہے۔
Published: 19 Jun 2019, 4:10 PM IST
جنوبی افریقہ نے ایج بیسٹن کے میدان پر کھیلے جا رہے آئی سی سی عالمی کپ 2019 کے مقابلہ میں نیوزی لینڈ کے سامنے جیت کے لئے 242 رنوں کا ہدف رکھا ہے۔
بارش سے متاثرہ میچ میں ٹاس ہار کر پہلے بلے بازی کرتے ہوئے راسی وین ڈیر ڈوسان نے 67 اور ہاشم آملہ کے 55 رنوں کا تعان کیا اور اسکور کو 49 اوور میں 6 وکٹ کے نقصان پر 241 رنوں تک پہنچایا۔ بارش کی وجہ سے میچ تاخیر سے شروع ہوا اور اسی وجہ سے اسے 49 اوور فی اننگ کر دیا گیا ہے۔
آملہ نے 83 گیندوں میں چار چوکوں کی مدد سے 55 رنوں کی اننگ کھیلی، وہیں ڈوسان نے نابعد 67 رن بنائے، جن کے لئے انہوں نے 64 گیندیں کھیلیں اور دو چوکے اور تین چھکے لگائے۔ نیوزی لینڈ کی طرف سے لاکی فرگیوسن نے تین وکٹ حاصل کئے۔
Published: 19 Jun 2019, 4:10 PM IST
برمنگھم: نیوزی لینڈ کے کپتان کین ولیمسن نے ایج بیسٹن کے میدان پر جنوبی افریقہ کے خلاف جاری عالمی کپ میں ٹاس جیت کر پہلے گیند بازی کرنے کا فیصلہ کیا ہے۔ میدان کے نم ہونے کی وجہ سے ٹاس میں تاخیر ہوئی جس کی وجہ سے اب مقابلہ بھی 49-49 اوور کا ہوگا۔
بارش کی وجہ سے ہندوستان کے خلاف نیوزی لینڈ کا گزشتہ مقابلہ بھی منسوخ ہو گیا تھا۔ نیوزی لینڈ نے میچ کے لئے ٹیم میں کوئی تبدیلی نہیں کی ہے۔ ادھر، جنوبی افریقہ نے ایک تبدیلی کی ہے۔ بران ہینڈی رکس کے مقام پر لنگی نگیدی کو موقع دیا گیا ہے۔
Published: 19 Jun 2019, 4:10 PM IST
جنوبی افریقہ: ہاشم آملہ، کوئنٹن ڈی کاک (وکٹ کیپر)، ایڈن مارکرام، فاف ڈو پلیسی (کپتان)، راسی وین ڈیر ڈوسین، ڈیوڈ میلر، آندیلے فیلوکوایو، کرس مورس، کاگسو رباڈا، لنگی نگیدی اور عمران طاہر۔
نیوزی لینڈ: مارٹن گپٹل، کونل منورو، کین ولیمسن (کپتان)، روس ٹیلر، ٹام لاتھم، جمی نیشام، کولن ڈی گرانڈ ہوم، میٹ ہینری، لاکی فرگیوسن، مشیل سینٹنر اور ٹرینٹ بولٹ۔
Published: 19 Jun 2019, 4:10 PM IST
برمنگھم: میدان گیلا ہونے کی وجہ سے آج یہاں ایجبیسٹن کے میدان پر جنوبی افریقہ اور نیوزی لینڈ کے درمیان ہونے والے عالمی کپ میچ کے ٹاس میں تاخیر ہو گئی ہے۔ بارش کی وجہ سے ہندوستان کے خلاف نیوزی لینڈ کا گزشتہ میچ بھی منسوخ کر دینا پڑا تھا۔ ٹورنامنٹ میں اب تک ساتھ پوائنٹ لے کر نیوزی لینڈ کی ٹیم تیسرے مقام پر موجود ہے۔ اس ٹورنامنٹ میں وہ ابھی ایک بھی میچ نہیں ہاری ہے۔
دوسری طرف جنوبی افریقہ محض تین پوائنٹ کے ساتھ آٹھویں مقام پر موجود ہے۔ لگاتار تین میچ ہارنے کے بعد گزشتہ مقابلہ میں اس نے افغانستان کے خلاف ایک میچ جیت لیا تھا۔
Published: 19 Jun 2019, 4:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 19 Jun 2019, 4:10 PM IST