ساؤتھیمپٹن: ہندوستان نے ہفتہ کے روز ’دی روز باؤل‘ کے میدان پر کھیلے گئے آئی سی سی عالمی کپ 2019 کے میچ میں افغانستان کو دلچسپ مقابلہ میں 11 رنوں سے ہرا دیا۔ افغانستان نے گیند سے بہترین کارکردگی کا مظاہرہ کر کے ہندوستان کو 50 اووروں میں 8 وکٹ کے نقصان پر 224 رنوں تک محدود کر دیا، لیکن اس کے بلے باز ہدف حاصل کرنے میں ناکام رہے اور 49.5 اووروں میں 213 رنوں پر آل آؤٹ ہو گئے۔
ہدف کا تعاقب کرتے ہوئے افغانستان کے کھلاڑیوں نے ایک لمحہ کے لئے بھی ہار نہیں مانی اور وقفہ وقفہ پر شراکت داریاں کر کے خود کو میچ میں برقرار رکھا اور میچ کو آخری اوور تک لے کر گئے۔
محمد شامی نے آخری اوور کی تین گیندوں میں تین وکٹ کے ساتھ 4 وکٹ حاصل کئے اس کے علاوہ جسپریت بمراہ، یجویندر چہل، اور ہاردک پانڈیا نے دو دو وکٹ حاصل کئے۔ افغانستان کے لئے محمد نبی نے 52، رحمت شاہ نے 36 اور گلبدین نے 27 رن بنائے۔
Published: 22 Jun 2019, 3:06 PM IST
عالمی کپ میں محمد شامی ہندوستان کے ہیٹ ٹرک مکمل کرنے والے دوسرے گیند باز بن گئے ہیں، اس سے چیتن شرما نے 1987 یہ کارنامہ انجام دیا تھا۔
225 رنوں کا تعاقب کرنے اتری افغانستان کو آخری اوور میں 16 رن درکار تھے۔ نبی نے پہلی گیند پر چوکا لگاکر اپنی نصف سنچری مکمل کی اور ٹیم انڈیا کی پیشانی پر شکن ڈال دی لیکن شامی نے اگلی گیند خالی نکالی اور اوور کی تیسری گیند پر نبی کو لاگ آن پر ہاردک پانڈیا کے اہتھوں کیچ کرا کر میچ کو ہندوستان کےک حق میں کر دیا۔
اگلی دو گیندوں پر شامی نے آفتاب عالم اور مجیب الرحمان کے وکٹ لے کر افغانستان کو 49.5 اوور میں 213 رنوں پر محدود کر دیا اور ہندوستان کو اس عالمی کپ میں چوتھی جیت سے ہم کنار کر دیا۔ محمد شامی اسی کے ساتھ اس عالمی کپ میں ہیٹ ٹرک لگانے والے پہلے گیند باز بن گئے ہیں۔ یہ ان کے بین الاقوامی کرکٹ کیرئر کی بھی پہلی ہیٹ ٹرک ہے۔
Published: 22 Jun 2019, 3:06 PM IST
قبل ازیں، ہندوستان کے لئے کپتان وراٹ کوہلی نے سب سے زیادہ 67 رنوں کا تعاون کیا۔ اس کے علاوہ، کیدار جادھو نے 52، لوکیش راہل نے 30، وجے شنکر نے 29 اور دھونی نے 28 رنوں کا تعاون کیا۔ افغانستان کے گلبدین نائب اور محمد نبی نے دو دو وکٹ حاصل کئے۔ جبکہ مجیب الرحمان، آفتاب عالم، راشد خان اور رحمت شاہ کو ایک ایک وکٹ ملا۔
جسپریت بمراہ کو شاندار گیندبازی کے لئے مین آف دی میچ قرار دیا گیا۔
Published: 22 Jun 2019, 3:06 PM IST
آخری اوور میں نصف سنچری بنا کر کھیل رہے محمد نبی کو آؤٹ کر کے محمد شامی نے ٹیم انڈیا کو بڑی کامیابی سے ہم کنار کرا دیا ہے۔
Published: 22 Jun 2019, 3:06 PM IST
ہندوستان جیسی مضبوط ٹیم کے سامنے ہدف کے تعاقب میں افغانستان نے 49 اوور ختم ہونے کے بعد بھی ہار نہیں مانی ہے۔ اب آخری 6 گیندیں باقی ہیں اور اسے جیت کے لئے 16 رن درکار ہیں۔
Published: 22 Jun 2019, 3:06 PM IST
افغانستان کے 7 کھلاڑی آؤٹ ہو چکے ہیں لیکن وہ میچ میں ابھی بھی خود کو برقرار رکھے ہوئے ہے۔ اب محض 10 گیندوں کا کھیل باقی ہے اور اسے جیت کے لئے 19 رن درکار ہیں۔
Published: 22 Jun 2019, 3:06 PM IST
47 اوور کے اختتام پر افغانستان کے 200 رن مکمل ہو چکے ہیں۔ اسے جیت کے لئے 18 گیندوں میں اب 24 رن درکار ہیں۔ محمد نبی 43 رن جبکہ اکرام علی 5 رن بنا کر کھیل رہے ہیں۔
Published: 22 Jun 2019, 3:06 PM IST
190 کے اسکور پر راشد خان کے طور پر افغانستان کو ساتواں جھٹکا لگا ہے۔ راشد نے 14 رنوں کا تعاون کیا۔
فی الحال 24 اوور باقی ہیں اور افغانستان کو ہندوستان پر جیت کے لئے 32 رن درکار ہیں۔
Published: 22 Jun 2019, 3:06 PM IST
ہندوستان اور افغانستان کے درمیان جاری عالمی کپ کے میچ میں ہر پھینی جانے والی گیند کے بعد مقابلہ دلچسپ ہوتا جا رہا ہے۔
فی الحال 45 اوور کا کھیل مکمل ہو چکا ہے اور اب افغانستان کو جیت کے لئے 30 گیندوں میں 40 رن درکار ہیں اور ابھی اس کے 4 کھلاڑی باقی ہیں۔
Published: 22 Jun 2019, 3:06 PM IST
ہاردک پانڈیا نے ٹیم انڈیا کو چھٹی کامیابی دلائی۔ انہوں نے نجیب اللہ زادران کو 21 کے اسکور پر یجویندر چہل نے ہاتھوں کیچ کرایا۔
فی الحال 42 اوور ختم ہونے کے بعد افغانستان کا اسکور 6 وکٹ کے نقصان پر 169۔ اسے جیتنے کے لئے 48 گیندوں میں 56 رن درکار ہیں اور 4 کھلاڑی اس کے ہاتھ میں ہیں۔
Published: 22 Jun 2019, 3:06 PM IST
افغانستان کا اسکور 41 اوور کے اختتام پر 165 رن ہے۔ یہاں سے اسے کے لئے 54 گیندوں میں جیت کے لئے 60 رن درکار ہیں، 5 وکٹ ابھی تک اس کے ہاتھ میں ہیں۔
Published: 22 Jun 2019, 3:06 PM IST
یجویندر چہل نے ہندوستان کو پانچویں کامیابی دلا دی ہے۔ انہوں نے اصغر افغان کو 8 کے نجی اسکور پر بولڈ کر کے پویلین کی راہ دکھلائی۔
فی الحال 36 اوور کے اختتام پر افغانستان کو اسکور 137/5 ہے اور اسے جیت کے لئے 84 گیندوں میں مزید 88 رن درکار ہیں۔
Published: 22 Jun 2019, 3:06 PM IST
225 رنوں کے ہدف کے تعاقب میں افغانستان کے بلے بازوں نے 4 وکٹ کے نقصان پر 125 رن بنا لئے ہیں۔ افغانستان کو جیتنے کے لئے 96 گیندوں میں مزید 100 رن درکار ہے۔
Published: 22 Jun 2019, 3:06 PM IST
افغانستان کے خلاف عالمی کپ میں ٹیم انڈیا کے ہاتھ سے لگاتار پھسلتے جا رہے میچ میں جسپریت بمراہ نے اپنے ایک اوور میں دو افغان کھلاڑیوں کو آؤٹ کر کے ہندوستان کی واپسی کرا دی ہے۔
چوتھے وکٹ کے طور پر بمراہ نے ہشمت اللہ کو 24 کے اسکور پر کاٹ اینڈ بولڈ کر دیا۔ بمراہ نے شاندار گیندبازی کرتے ہوئے 6 اوور میں محض 19 رن دے کر 2 وکٹ حاصل کر لئے ہیں۔ بمراہ کے علاوہ محمد شامی اور ہاردک پانڈیا نے ایک ایک وکٹ حاصل کیا ہے۔
فی الحال 31 اوور کے اختتام پر افغانستان کا اسکور 110/4 ہے اور 114 گیندوں میں 114 رن درکار ہیں۔ میدان پر اصغر افغان 4 رن بناکر کھیل رہے ہیں جبکہ نئے بلے باز محمد نبی نے ابھی کھاتا نہیں کھولا ہے۔
Published: 22 Jun 2019, 3:06 PM IST
رحمت شاہ کے طور پر افغانستان کو تیسرا جھٹکا لگا ہے۔ انہیں 36 کے اسکور پر جسپریت بمراہ نے چہل کے ہاتھوں کیچ آؤٹ کرایا۔
Published: 22 Jun 2019, 3:06 PM IST
گیندبازی میں بہتر کارکردگی کا مظاہرہ کرتے ہوئے ہندوستان کو 224 رن پر محدود کر دینے کے بعد افغانستان کی ٹیم بلے بازی میں بہتر کارکردگی کا مظاہرہ کر رہی ہے۔ افغانستان نے 27 اوور کے اختتام پر 2 وکٹ کے نقصان پر 104 رن بنا لئے ہیں۔
Published: 22 Jun 2019, 3:06 PM IST
225 رنوں کے ہدف کا تعاقب کر رہی فغانستان کی ٹیم نے 15 اوور کے اختتام پر ایک وکٹ کے نقصان پر 57 رن بنا لئے ہیں۔ سلامی بلے باز گلبدین نائب 24 رن پر جبکہ رحمت شاہ 11 رن کے نجی اسکور پر کھیل رہے ہیں۔
ٹیم انڈیا کو واحد کامیابی محمد شامی نے دلائی ہے، جنہوں نے افغانستان کے سلامی بلے باز حضرت اللہ زازئی کو 10 کے اسکور پر شاندار طریقہ سے بولڈ کر دیا۔
Published: 22 Jun 2019, 3:06 PM IST
افغانستان کی طرف سے دئے گئے 25 رنوں کے ہدف کے تعاقب میں افغانستان نے اپنا پہلا وکٹ کھو دیا ہے۔ سلامی افغان بلے حضرت اللہ زازئی کو محمد شامی نے 10 کے اسکور پر بولڈ کر دیا۔ دوسرے سلامی بلے باز گلبدین نائب 4 رن بنا کر کھیل رہے ہیں۔
حضرت اللہ کے آؤٹ ہونے کے بعد رحمت شاہ نئے بلے باز کے طور پر کریز پر پہنچے ہیں۔
Published: 22 Jun 2019, 3:06 PM IST
ساؤتھیمپٹن: افغانستان نے اپنی شاندار گیندبازی کے دم پر آئی سی سی عالمی کپ 2019 میں دی روز باؤل میدان پر کھیلے جارہے میچ میں ہندوستان کو 50 اووروں میں آٹھ وکٹ کے نقصان پر 224 رونوں پر ہی روک دیا۔ ہندوستان کے کئے کپتان وراٹ کوہلی نے سب سے زیادہ 67 رن بنائے۔
کیدار جادھو نے 52، لوکیش راہل نے 30، وجے شنکر نے 29 اور مہیندر سنگھ دھونی نے 28 رنوں کا تعاون کیا۔
افغانستان کے لئے گلبدین نائب اور محمد نبی نے دو دو وکٹ جبکہ مجیب الرحمان، آفتاب عالم، راشد خان اور رحمت خان نے ایک ایک وکٹ حاصل کیا۔
Published: 22 Jun 2019, 3:06 PM IST
اپنے بین الاقومی کیریر میں 200 مواقع پر دوسرے بلے بازوں کو اسٹمپ آؤٹ کرنے والے ہندوستان کے تجربہ کار بلے باز مہندر سنگھ دھونی ہفتہ کے روز اپنے 345 میچوں کے ون ڈے کیرین میں دوسری مرتبہ اسٹمپ آؤٹ ہوئے۔
دھونی کو ساؤتھیمپٹن میں جاری آئی سی سی عالمی کپ کے مقابلہ میں افغان گیند باز راشد خان کی گیند پر اکرام علی نے اسٹمپ آؤٹ کیا۔ دھونی نے 52 گیندوں میں 28 رن بنائے، اس اننگ میں تین چوکے شامل ہیں۔
Published: 22 Jun 2019, 3:06 PM IST
کیدار جادھو 8ویں وکٹ کے طور پر پویلین لوٹ چکے ہیں۔ ان کا وکٹ نے بھی گلبدین نائب نے ہی حاصل کیا۔
Published: 22 Jun 2019, 3:06 PM IST
محمد شامی ایک رن بنا کر بولڈ ہو گئے، انہیں گلبدین نائب نے آؤٹ کیا۔
Published: 22 Jun 2019, 3:06 PM IST
49ویں اوور میں ہاردک پانڈیا کے طور پر ٹیم انڈیا کو چھٹا جھٹکا لگا، انہوں نے 7 رن بنائے اور آفتاب احمد کی گیند پر اکرام علی کو اپنا کیچ تھما بیٹھے۔
فی الحال 49.2 اوور ختم ہونے کے بعد ٹیم انڈیا کا اسکور 222/6 ہے۔ کیدار جادھو 52 جبکہ محمد شامی ایک رن پر کھیل رہے ہیں۔
Published: 22 Jun 2019, 3:06 PM IST
ٹیم انڈیا کے سامنے افغانستان کی شاندار گیندبازی جاری ہے۔ راشد خان نے دھونی کے طور پر ہندوستان کو پانچواں جھٹکا دیا، ان کا کیچ اکرام علی نے لپکا۔ دھونی نے 52 گیندوں کا سامنا کیا اور 28 رن بنائے۔
کیدار جادھو 32 رن کے اسکور پر کریز پر موجود ہیں جبکہ دھونی کے بعد ہاردک پانڈیا میدان پر پہنچے ہیں۔
فی الحال 45 اوور کے اختتام پر ٹیم انڈیا کا اسکور 5 وکٹ کے نقصان پر 194 رن ہے۔
Published: 22 Jun 2019, 3:06 PM IST
افغانستان کے گیندبازوں نے ہندوستان کے خلاف عالمی کپ کے میچ میں کھیلتے ہوئے شاندار گیندبازی کی ہے۔ فی الحال 41 اوور کے اختتام پر ٹیم انڈیا کا اسکور 4 وکٹ کے نقصان پر 177 رن ہے۔ دھونی 23 جبکہ کیدار جادھو 22 رن بنا کر کریز پر موجود ہیں۔
افغانستان کی طرف سے گیندبازی کرتے ہوئے محمد نبی نے 2 جبکہ مجیب الرحمان اور رحمت شاہ نے ایک ایک وکٹ حاصل کیا ہے۔
Published: 22 Jun 2019, 3:06 PM IST
افغان گیندباز محمد نبی نے کپتان وراٹ کوہلی کو 67 کے اسکور پر رحمت شاہ کے ہاتھوں کیچ آؤٹ کرا کے ٹیم انڈیا کو بڑا جھٹکا دیا ہے۔ کوہلی نے 63 گیندوں میں 67 رن اسکور کئے اور اپنی اننگ کے دوران 5 چوکے لگائے۔ کوہلی کے آؤٹ ہونے کے بعد کیدار جادھو کریز پر پہنچے ہیں جبکہ دھونی 4 رن بنا کر کریز پر موجود ہیں۔
فی الحال 32 اوور کے اختتام پر ٹیم انڈیا کا اسکور 4 وکٹ کے نقصان پر 140 رن ہے۔
Published: 22 Jun 2019, 3:06 PM IST
ہندوستان کو 122 کے مجموعی اسکور پر تیسرا جھٹکا لگا ہے۔ وجے شنکر 29 رن بنا کر رحمت شاہ کی گیند پر ایل بی ڈبلیو ہو کر پویلین واپس لوٹ گئے۔ شنکر کے آؤٹ ہونے کے بعد دھونی نئے بلے باز کے طور پر پہنچے ہیں۔ جبکہ کپتان وراٹ کوہلی نصف سنچری (58) بنا کر کھیل رہے ہیں۔
فی الحال 26.3 اوور مکمل ہو چکے ہیں اور ٹیم انڈیا کا اسکور 3 وکٹ کے نقصان پر 123 رن ہے۔
Published: 22 Jun 2019, 3:06 PM IST
افغانستان کے خلاف ٹاس جیت کے پہلے بلے بازی کرتے ہوئے وراٹ کوہلی نے اپنی نصف سنچری مکمل کر لی ہے۔ انہوں نے 48 گیندوں کا سامنا کیا اور 4 چوکے لگائے۔
فی الحال 22 اوور کے بعد ہندوستان کا اسکور 98/2 ہے۔ دوسرہے بلے باز وجے شنکر 13 رن بنا کر کھیل رہے ہیں۔
Published: 22 Jun 2019, 3:06 PM IST
دو وکٹ گر جانے کے بعد ٹیم انڈیا نے 17 اوور کے بعد 72 رن اسکور کر لئے ہیں۔ وراٹ کوہلی 35 کے جبکہ وجے شنکر 4 کے نجی اسکور کے ساتھ کریز پر موجود ہیں۔
ہندوستان کے آؤٹ ہونے والے کھلاڑی روہت شرما (ایک رن) اور کے ایل راہل (30) ہیں۔ افغانستان کی طرف سے مجیب الرحمان اور محمد نبی نے ایک ایک وکٹ حاصل کیا۔
Published: 22 Jun 2019, 3:06 PM IST
بے حد مضبوط ٹیم انڈیا کے سامنے افغانستان کے گیندباز شاندار گیندبازی کا مظاہرہ کر رہے ہیں۔ افغان گیند باز محمد نبی نے کے ایل راہل کے طور پر ہندوستان کو دوسرا جھٹکا دیا۔ راہل نے 53 گیندوں کا سامنا کر کے محض 30 رنوں کا تعاون کیا۔
فی الحال 15 اوور کے اختتام پر ٹیم انڈیا کا اسکور 2 وکٹ کے نقصان پر 66 رن ہے۔ راہل کے آؤٹ ہونے کے بعد وجے شنکر نئے بلے باز کے طور پر میدان میں پہنچے ہیں۔ جبکہ کپتان وراٹ کوہلی 32 رن بنا کر کریز پر موجود ہیں۔
Published: 22 Jun 2019, 3:06 PM IST
ٹیم انڈیا کا پہلا وکٹ 7 کے اسکور پر روہت شرما کے طور پر گر جانے کے بعد کے ایل راہل اور کپتان وراٹ کوہلی نے اننگ کو سنبھالا ہے۔
فی الحال 10 اوور کے بعد ہندوستان کا اسکور ایک وکٹ کے نقصان پر 41 رن ہے۔ راہل اور کوہلی دونوں 20-20 رن بنا کر کریز پر موجود ہیں۔
Published: 22 Jun 2019, 3:06 PM IST
مجیب الرحمان نے میچ کے پانچویں اوور میں افغانستان کو اہم کامیابی دلا دی، انہوں نے روہت شرما کو محض ایک رن پر بولڈ آؤٹ کر دیا۔ فی الحان سلامی بلے باز کے ایل راہل 16 رن بنا کر کھیل رہے ہیں جبکہ روہت کے آؤٹ ہونے کے بعد وراٹ کوہلی میدان پر پہنچے ہیں۔
فی الحال 6 اوور کے اختتام پر ہندوستان کا اسکور 18 رن ہے۔
Published: 22 Jun 2019, 3:06 PM IST
عالمی کپ میں افغانستان کے خلاف میچ کے دوران ہندوستان نے ٹاس جیت لیا ہے اور کپتان وراٹ کوہلی نے پہلے بلے بازی کا فیصلہ کیا ہے۔ اس میچ کے لئے ٹیم انڈیا میں ایک تبدیلی کی گئی ہے۔ چوٹل تیز گیندباز بھونیشور کمار کے مقام پر محمد شامی کو ٹیم میں شامل کیا گیا ہے۔
Published: 22 Jun 2019, 3:06 PM IST
ادھر افغانستان نے نور علی زادران اور دولت زادرات کے مقام پر حضرت اللہ زازئی اور آفتاب عالم کو موقع دیا ہے۔ یہ ہندوستان کا پانچواں میچ ہے اور وہ سات پوائنٹ کے ساتھ 10 ٹیموں کی فہرست میں چوتھے مقام پر ہے۔ ہندوستان نے تین میچ جیتے ہیں جبکہ اس کا ایک میچ بارش کی وجہ سے منسوخ ہو گیا تھا۔
دوسری طرف، افغان ٹیم کا یہ چھٹا میچ ہے۔ اسے اب تک کھیلے گئے تمام پانچ میچوں میں ہار کا سامنا کرنا پڑا ہے اور وہ سیمی فائل کی ریس سے باہر ہو چکی ہے۔
ہندوستان: وراٹ کوہلی (کپتان)، روہت شرما، لوکیش راہل، کیدار جادھو، وجے شنکر، مہندر سنگھ دھونی (وکٹ کیپر)، ہاردک پانڈیا، یجویندر چہل، کلدیپ یادو، جسپریت بمرا اور محمد شامی۔
افغانستان: رحمت شاہ، حضرت اللہ زازئی، نجیب اللہ زادران، ہشمت اللہ شاہدی، اصغر افغان، محمد نبی، اکرام علی (وکٹ کیپر)، گلبدین نائب (کپتان)، راشد خان، مجیب الرحمان، آفتاب عالم۔
Published: 22 Jun 2019, 3:06 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 22 Jun 2019, 3:06 PM IST