کولکتہ: ہندوستانی کرکٹ کنٹرول بورڈ کے نئے صدر بننے جا رہے سابق ہندوستانی کپتان سوربھ گنگولی نے کہا ہے کہ وہ قومی سلیکٹر ز کی کمیٹی کے ارکان سے سابق کپتان اور وکٹ کیپر بلے باز مہندر سنگھ دھونی کے مستقبل کے بارے میں ان کی رائے جانیں گے اور اس کے بعد ہی اس معاملے پر اپنی بات رکھیں گے۔
Published: undefined
گنگولی نے صحافیوں سے کہاکہ میں جب 24 اکتوبر کو سلیکٹرز سے ملوں گا تو اس بارے میں ان سے ان کی رائے پوچھوں گا۔ میں یہ جاننے کی کوشش کروں گا کہ سلیکٹر اس بارے میں کیا خیال رکھتے ہیں اور اس کے بعد میں اپنی رائے رکھوں گا۔ بی سی سی آئی صدر کے عہدے کے لئے گنگولی واحد امیدوار ہیں اور 23 اکتوبر کو بی سی سی آئی کی عام میٹنگ میں ان کے نئے صدر بننے کا اعلان کر دیا جائے گا۔
Published: undefined
گنگولی نے بدھ کو ساتھ ہی کہا کہ وہ اس بارے میں دھونی سے بات کریں گے اور پوچھیں گے کہ وہ کیا چاہتے ہیں۔ انہوں نے کہاکہ ہمیں یہ بھی دیکھنا ہوگا کہ دھونی کیا چاہتے ہیں۔ میں ان سے بھی بات کروں گا اور پوچھوں گا کہ وہ کیا چاہتے ہیں اور کیا نہیں کرنا چاہتے ہیں۔
Published: undefined
سابق کپتان نے کہاکہ چونکہ میں اس معاملے میں کہیں بھی نہیں تھا تو یہ معاملہ میرے لئے ابھی تک واضح نہیں تھا۔ لیکن اب میں اس صورت حال میں ہوں کہ اس بارے میں غور کر سکتا ہوں اور اس کے بعد میں اس پر فیصلہ کروں گا۔ انہوں نے کہا کہ وہ صدر کے عہدہ سنبھالنے کے بعد سلیکٹرز اور کپتان سے اس بارے میں بات کریں گے۔
Published: undefined
قابل ذکر ہے کہ اس سال انگلینڈ میں منعقد ہوئے آئی سی سی ورلڈ کپ کے سیمی فائنل نیوزی لینڈ کے ہاتھوں ہارنے کے بعد ہی دھونی میدان میں نظر نہیں آئے ہیں۔ دھونی کو بنگلہ دیش کے خلاف ہونے والی تین میچوں کی ٹوئنٹی -20 سیریز کے لئے ٹیم میں شامل کرنے کا امکان بھی کم ہی ظاہر کیا جا رہا ہے۔ بنگلہ دیش کے خلاف ٹی -20 سیریز کے لئے ہندستانی ٹیم کا انتخاب 24 اکتوبر کو ہونے والی میٹنگ میں ہو سکتا ہے۔ سلیکٹرز نے کہا ہے کہ وہ اگلے سال ہونے والے ٹی -20 ورلڈ کپ کو دیکھتے ہوئے ٹیم کا انتخاب کریں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined