ڈھاکہ: بنگلہ دیش کو پاکستان کے خلاف آئندہ گھریلو سیریز سے قبل ایک اور دھچکا لگا ہے۔ محمد سیف الدین اور شکیب الحسن کے بعد اب تجربہ کار سلامی بلے باز تمیم اقبال انگوٹھے کی چوٹ کے باعث سیریز سے باہر ہو گئے ہیں۔ سمجھا جاتا ہے کہ پاکستان کے خلاف ٹیسٹ سیریز میں واپسی کے خواہش مند تمیم نے سیریز کی تیاری کے لیے گزشتہ ہفتے نیٹ سیشن کا آغاز کیا تھا، لیکن تیز گیند بازوں کے خلاف بلے بازی کرتے ہوئے انہیں دقّت محسوس ہوئی اور ان کا ایکسرے کرایا گیا، جس میں ان کے انگوٹھے میں فریکچر کا پتہ چلا۔
Published: undefined
بنگلہ دیش کرکٹ بورڈ (بی سی بی) کے چیف سلیکٹر منہاج العابدین نے انگوٹھے کی انجری کے باعث تمیم کے پاکستان کے خلاف ہوم سیریز سے باہر ہونے کی تصدیق کرتے ہوئے کہا ہے کہ ان کے انگوٹھے کی سوجن نہیں گئی اور اسی وجہ سے ان کا ایک اور ایکسرے کیا گیا، جس میں اس کا پتہ چلا کہ ان کے انگوٹھے میں فریکچرہوگیا ہے جس کا انہیں پہلے علم نہیں تھا۔
Published: undefined
قابل ذکر ہے کہ اس سے قبل محمد سیف الدین انجری کے باعث پوری سیریز سے باہر ہوچکے ہیں جبکہ شکیب ٹی ٹوئنٹی سیریز سے باہر ہو گئے تھے، وہ آئی سی سی ٹی ٹوئنٹی ورلڈ کپ 2021 کے دوران ہیمسٹرنگ انجری کا شکار ہو گئے تھے۔ بنگلہ دیش اور پاکستان کے درمیان ٹی ٹوئنٹی سیریز کا آغاز 19 نومبر سے ہوگا، تینوں میچز بالترتیب 19، 20 اور 22 نومبر کو ڈھاکہ کے میرپور کے شیر بنگلہ اسٹیڈیم میں کھیلے جائیں گے، اس کے بعد چٹگام اور میرپور میں دو ٹیسٹ کھیلے جائیں گے۔ پہلا ٹیسٹ 26 سے 30 نومبر جبکہ دوسرا ٹیسٹ 4 سے 8 دسمبر تک کھیلا جائے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز