تیسری بار کورونا کی زد میں آئے پاکستانی وزیر اعظم شہباز شریف، دو دنوں سے طبیعت ناساز

مصر میں سی او پی-27 چوٹی کانفرنس میں حصہ لینے کے بعد شہباز شریف گزشتہ ہفتے لندن پہنچے تھے، ایئرپورٹ سے نکلنے سے ٹھیک پہلے انھیں بخار ہو گیا تھا۔

شہباز شریف، تصویر آئی اے این ایس
شہباز شریف، تصویر آئی اے این ایس
user

قومی آوازبیورو

پاکستان کے وزیر اعظم شہباز شریف تیسری مرتبہ کووڈ-19 وائرس کے شکار ہو گئے ہیں۔ کورونا کے سبب ہی انھیں لندن سے لوٹنے میں تاخیر ہوئی اور وہ دو دن بعد پیر کو پاکستان لوٹے۔ وزیر اعظم شہباز شریف اس سال کے شروع میں جنوری میں اور 2020 کے جون میں بھی کووڈ-19 کی جانچ میں پازیٹو پائے گئے تھے۔

ایکسپریس ٹریبیون کی رپورٹ کے مطابق وزیر اطلاعات مریم اورنگ زیب نے وزیر اعظم کے کورونا متاثر ہونے کی تصدیق کرتے ہوئے کہا کہ ’’وزیر اعظم دو دنوں سے بیمار ہیں اور انھوں نے آج ایک ڈاکٹر کی سفارش کے بعد کووڈ-19 جانچ کرائی جس میں وہ کورونا سے متاثر پائے گئے۔ وہ ڈاکٹروں کی نگرانی میں ہیں اور ان کی صلاح پر دوا لے رہے ہیں۔‘‘


ذرائع نے دعویٰ کیا کہ وہ کورونا انفیکشن کے سبب ہی دو دن اور لندن میں رہے۔ مصر میں سی او پی-27 چوٹی کانفرنس میں حصہ لینے کے بعد شہباز شریف گزشتہ ہفتے لندن پہنچے تھے۔ ایئرپورٹ سے نکلنے سے ٹھیک پہلے انھیں ہلکا بخار تھا اور ان کے گھر والوں نے انھیں ہوائی سفر نہ کرنے کی صلاح دی تھی۔

ایکسپریس ٹریبیون کی رپورٹ کے مطابق لندن میں انھوں نے اپنے بڑے بھائی نواز شریف کے ساتھ فوجی سربراہ کی تقرری اور قومی اہمیت کے دیگر ایشوز پر تبادلہ خیال کیا۔ اس ایشو پر اپنے بڑے بھائی کے ساتھ ایک اہم میٹنگ کرنے کے بعد 11 نومبر کو وہ لندن سے ملک پاکستان کے لیے روانہ ہوئے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔