مصر: دو ٹرینوں کے درمیان زبردست تصادم، 19 افراد ہلاک، 185 زخمی

مصر کی قومی ریلوے کے مطابق نامعلوم افرادکے ذریعہ ایمرجنسی چین کھینچے جانے کے بعد مسافر ٹرین کے اچانک رک جانے سے ٹرین کی ٹکر ہوئی جس کے سبب لکسر الیکزنڈریا ٹرین کی بوگیاں پٹری سے اتر گئیں۔

حادثہ، تصویر یو این آئی
حادثہ، تصویر یو این آئی
user

یو این آئی

قاہرہ: مصر کے صوبہ سوہاج میں دو ٹرینوں کے درمیان تصادم کا حادثہ سرزد ہوا ہے جس میں 19 افرادکی موت ہوگئی اور 185 زخمی ہوگئے ہیں۔ وزیرصحت ہالازائد نے ہفتہ کے روز یہ اطلاع دی۔ وزارت نے اس سے قبل بتایا تھا کہ جمعہ کو ہوئے اس حادثے میں 32 افراد جاں بحق اور 165 دیگرزخمی ہوئے ہیں۔ ملک کے ہیلتھ چیف کے مطابق اموات کے شمار میں غلطی اس وجہ سے ہوئی کیونکہ حادثے میں زخمی کئی لوگ گہری بےہوشی میں تھے اورایسالگا کہ وہ ہلاک ہوگئے ہیں۔

ہالا زائدنے پریس کانفرنس میں بتایا کہ وزارت صحت کے ذریعہ تصدیق کے بعد پراسیکیوٹر جنرل کے دفتر نے تمام اسپتالوں سے درخواست کی جس میں پایا گیا کہ حادثہ میں 19 افراد کی موت ہوئی اور اس میں زخمیوں کی تعداد 185 پہنچ گئی ہے۔ پراسیکیوٹر جنرل دفتر حادثہ کی تحقیقات کررہاہے۔ مصر کی قومی ریلوے کے مطابق نامعلوم افرادکے ذریعہ ایمرجنسی چین کھینچے جانے کے بعد مسافرٹرین کے اچانک رک جانے سے ٹرین کی ٹکر ہوئی جس کے سبب لکسر الیکزنڈریا ٹرین کی بوگیاں پٹری سے اترگئیں۔ ریلوے کی جانب سے اس حصے پر آمدورفت بحال کرنے کا کام جاری ہے۔ روس، چین، ترکی اورمتحدہ عرب امارات سمیت کئی عالمی لیڈران نے قاہرہ ٹرین حادثے کے متاثرین کے تئیں اظہارتعزیت کی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔