اشک آباد دنیا کا مہنگا ترین شہر، چین کے تین شہر اس فہرست میں

روزمرہ کے اخراجات کے حوالے سے ”مرسر“ کے عالمی سروے کے مطابق ترکمانستان کا دارلحکومت اشک آباد غیر ملکی کارکنوں کے لیے دنیا کا مہنگا ترین شہر ہے۔ امریکی شہر نیوریارک کو بنچ مارک بنا کر تیار کی جانے والی رپورٹ میں دنیا کے 209 شہروں کا رہائش، مواصلات اور تفریحی اخراجات کے حوالے سے تقابلی جائزہ لیا گیا جس میں اشک آباد مہنگے ترین شہروں میں سر فہرست ہے۔ ہانگ کانگ گزشتہ برس کے’ مرسر‘ سروے میں دنیا کا مہنگا ترین شہر قرار پایا تھا۔ ٹوکیو 2021 کے دوران دنیا کے مہنگے ترین شہروں کی فہرست میں چوتھے نمبر پر رہا۔ زیورخ پانچویں جبکہ سنگاپور ساتویں درجے پر رہا۔

میڈیا رپورٹ کے مطابق عالمی نیوز نیٹورک سی سی این کی رپورٹ میں بتایا گیا ہے کہ ترکمانستان مسلسل دو برسوں سے مالیاتی بحران سے گذر رہا ہے۔ ملک میں خوراک کی کمی اور افراط زر آسمان کو چھو رہا ہے جس کی وجہ سے مہنگائی اپنے شباب پر ہے اور اشیائے ضروری عوام کی پہنچ سے باہر ہوتی جا رہی ہیں۔’مرسر‘ سروے کے گذشتہ برس سروے کے مقابلے میں اس سال تیار کی جانے والی رپورٹ میں لبنان کا شہر بیروت نیا اضافہ ہے۔ گزشتہ برس سروے میں بیروت مہنگے ترین شہروں کی درجہ بندی میں 45 ویں نمبر پر تھا جبکہ بیروت اس سال 45 سے تیسرے نمبر پر آ گیا ہے۔

مرسر سروے میں لبنان کی صورت میں تبدیلی کو اقتصادی کساد بازاری جس میں کووڈ۔19 نے بے پناہ اضافہ کیا۔ گزشتہ برس بیروت کی بندرگاہ میں ہونے والا دھماکا بھی لبنان کی معیشت کے لیے بڑا دھچکا تھا۔ مرسر سروے رپورٹ کے مطابق 2021 کے دوران دنیا کے مہنگے ترین شہروں کی درجہ بندی کچھ یوں رہی: 1 -عشق آباد (ترکمانستان)2- ہانگ کانگ (چین)3 - بیروت (لبنان)4 - ٹوکیو (جاپان) 5- زیورخ (سوئٹزر لینڈ) 6- شنگھائی (چین) 7. سنگاپور 8- جنیوا (سوئٹزر لینڈ) 9- بیجنگ (چین)10- برن (سوئٹزرلینڈ)