روس اور یوکرین کے درمیان ’امن مذاکرہ‘ کے نئے دور کا آغاز!

روس اور یوکرین نے چل رہے ماسکو-کیف جنگ میں جنگ بندی تک پہنچنے کی مزید ایک کوشش کے تحت منگل کو یہاں امن مذاکرہ کے نئے دور کی شروعات کی۔ نیوز ایجنسی سنہوا کی رپورٹ کے مطابق ترکی اور صدر رجب طیب اردغان نے استنبول کے بیسٹکاس ضلع میں ڈولماباہ کے صدر دفتر میں میٹنگ شروع ہونے سے کچھ وقت پہلے کہا کہ ٹھوس نتیجے کے لیے بات چیت کا وقت آ گیا ہے۔

ترکی کے لیڈر نے فوراً جنگ بندی کی اپیل کی اور کہا کہ طویل مدت تک جنگ کسی کے مفاد میں نہیں ہے۔ اردغان نے کہا کہ روسی اور یوکرینی لیڈروں کے درمیان ترکی ایک میٹنگ کی میزبانی کرنے کے لیے تیار ہے۔ انھوں نے کہا کہ ’’دنیا آپ سے خوشخبری کا انتظار کر رہی ہے۔ ہم ایسے کسی بھی تعاون کے لیے تیار ہیں جو آپ کے کام کو آسان بنا سکے۔‘‘

واضح رہے کہ 28 فروری سے روس اور یوکرین نے بیلاروس میں تین دور کی نجی بات چیت کی ہے اور ان کا چوتھا سیشن ایک ویڈیو کانفرنس کی شکل میں ہوا۔ دیگر باتوں کے علاوہ روس مطالبہ کر رہا ہے کہ یوکرین ناٹو میں شامل ہونے کے کسی بھی ارادے کو چھوڑ دے۔ یہ ایک ایشو ہے جس پر یوکرینی صدر ولودمیر زیلینسکی نے کہا ہے کہ وہ سمجھوتہ کرنے کو تیار ہیں۔

جن دیگر ایشوز پر تبادلہ خیال ہونے کی امید ہے ان میں یوکرین کے مشرق میں علیحدگی پسند لیڈروں کے قبضے والے علاقوں کی قسمت کے ساتھ ساتھ کریمیا کے حالات بھی شامل ہیں، جس پر رسمی طور سے 2014 میں روس کے ذریعہ قبضہ کر لیا گیا تھا۔