تری پورہ میں ایک ہی مقام پر بنائے جائیں گے 51 شكتی پیٹھ مندر

اگرتلہ: تریپورہ میں سیاحت کو فروغ دینے کے نام پر ریاست کی بی جے پی -انڈيجنس پیپلز فرنٹ آف تری پورہ (آئی پی ایف ٹی ) حکومت نے 51 شكتی پيٹھوں کی تعمیر کے لئے 14.22 ایکڑ زمین الاٹ کی ہے۔ریاستی حکومت نے مرکزی حکومت کی’ پرساد یوجنا‘ کے طرح اس کے لئے ایک منصوبہ تیار کیا ہے۔

حکام نے یہاں پیر کو بتایا کہ ریاستی حکومت نے پہلے سے موجود سیاحتی مقامات کی تجدیدکاری کے علاوہ سیاحوں کو اپنی طرف متوجہ کرنے کے لئے کم لاگت میں کئی اقدامات کئے ہیں۔ ریاست کے محکمہ سیاحت نے حال ہی میں دیوتمرا ہل علاقے میں انوكوٹی آثار قدیمہ کی سائٹ کے لئے ہیلی کاپٹر سروس کی شروعات کی ہے۔ ان دونوں مقامات پر 15 ویں صدی کے بہت سے مجسمے موجود ہیں۔

شكتی پيٹھ مندر ہندو روایات کے مطابق ایشیا کے 51 مقامات پر بنائے گئے ہیں اور ان مندروں کو مشکل سے ہی ملک کے لوگ دیکھ پاتے ہیں۔ اسی کو توجہ میں رکھتے ہوئے ریاست کے وزیر اعلی وپلو کمار دیو نے ماتا ترپریشوری دیوی مندر کے پاس ادے پور کے پھول كماری گاؤں میں 51 شكتی پيٹھ مندروں کی تعمیر کروانے کا فیصلہ کیا ہے۔

ریاست کے وزیر سیاحت پرنجت سنگھ رائے نے بتایا کہ ایشیا میں واقع 51 شكتی پيٹھوں میں 38 شكتی پيٹھ ہندوستان میں، چھ بنگلہ دیش میں، تین نیپال، دو پاکستان میں، اور تبت و سری لنکا میں ایک ایک شكتی پيٹھ مندر واقع ہے۔ اس کی وجہ سے ریاستی حکومت نے ان تمام شكتی پيٹھوں کی تعمیر ایک ہی جگہ پر کرانے کا فیصلہ کیا ہے۔

پرنجت سنگھ رائے نے مزید کہا کہ ’’محکمہ سیاحت نے 51 شكتی پيٹھوں کی تعمیر کروانے کے لئے ابتدائی طور پر 44 کروڑ روپے کا منصوبہ تیار کیا ہے اور اسے رقم مہیا کرنے کے لئے 15 ویں مالیاتی کمیشن کے پاس بھیجا ہے۔ ہمیں امید ہے کہ مالیات کمیشن سے یہ رقم مل جائے گی۔‘‘