اہم خبریں: یو پی میں پجاری نے مخالفین کو پھنسانے کے لیے خود پر چلائی گولی، پولس نے کیا گرفتار

گونڈہ: اترپردیش کے ضلع گونڈہ کے اٹیا ٹھوک کوتوالی علاقے میں سابق گرام پردھان ودیگر کو مبینہ طور سے پھنسانے کے لئے خود کوگولی مارک زخمی کرنے والے پجاری کو آج پولیس نے لکھنؤ کے ٹراما سنٹر سے گرفتار کرلیا۔ سپرنٹنڈنٹ آف پولیس شیلیش کمار پانڈے نے منگل کو یہاں بتایا کہ 10/11 اکتوبر کی رات رام جانکی مندر کے مہنت سیتارام داس نے زمینی تنازع میں سابق پردھان امر سنگھ و دیگر افراد کو پھنسانے کے مقصدسے مبینہ طور سے اپنے ہی مندر کے پجاری سمراٹ داس پر گولی چلائی تھی۔ زخمی پجاری کو علاج کے لئے لکھنؤ میڈیکل کلاج کے ٹراما سنٹر میں ریفر کردیا گیا تھا۔ انہوں نے بتایا کہ اس معاملے کے 8 ملزمین میں سے مہنت سیتا رام داس، پجاری سمراٹ داس و موجودہ پردھان ونے سمیت آٹھ افراد کو اب تک گرفتار کیا جاچکا ہے جبکہ دیگر ایک ملزم فرار ہے انہوں نے بتایا کہ لکھنؤ میں زیر علاج ملزم پجاری کے اسپتال سے ڈسچارج ہونے کے بعد اسے گرفتار کرلیا گیا۔ انہوں نے بتایا کہ ملزم پجاری کو ریمانڈ پر لینے کے لئے عدالت میں پیش کیا گیا ہے۔

جب تک اس وبا کے لیے ویکسین نہیں آ جاتی، ہمیں کورونا سے اپنی لڑائی کو رَتی بھر بھی کمزور نہیں پڑنے دینا ہے۔ برسوں بعد ہم ایسا ہوتا دیکھ رہے ہیں کہ انسانیت کو بچانے کے لیے جنگی سطح پر پوری دنیا میں کام ہو رہا ہے۔ کئی ممالک اس کے لیے کام کر رہے ہیں۔ہمارے ملک کے سائنسداں بھی ویکسین کے لیے جی جان سے جٹے ہیں۔ ہندوستان میں ابھی کورونا کی کئی ویکسین پر کام چل رہا ہے۔ ان میں کچھ ایڈوانسڈ اسٹیج پر ہیں اور حوصلہ بخش صورت حال نظر آتی ہے۔ کورونا ویکسین جب آئے گی، وہ جلد سے جلد ہر ہندوستانی تک کیسے پہنچے، اس کے لیے بھی حکومت کی ذمہ داری جاری ہے۔ ایک ایک شہری تک ویکسین پہنچے، اس کے لیے تیزی سے کام ہو رہا ہے۔

تہواروں کے اس موسم میں بازاروں میں بھی رونق دھیرے دھیرے لوٹ رہی ہے۔ لیکن ہمیں یہ بھولنا نہیں ہے کہ لاک ڈاؤن بھلے چلا گیا ہو، وائرس نہیں گیا ہے۔ گزشتہ 8-7 مہینوں میں ہر ہندوستانی کی کوشش سے ملک آج جس سنبھلی ہوئی حالت میں ہے ہمیں اسے بگڑنے نہیں دینا ہے۔ مزید بہتری کے لیے کوششیں کرنی ہے۔ آج ملک میں ریکوری ریٹ اچھی ہے۔ فرٹیلیٹی ریٹ کم ہے۔ ہندوستان میں جہاں ہم فی 10 لاکھ آبادی پر قریب 5 ہزار لوگوں کو کورونا ہوا ہے وہیں امریکہ اور برازیل جیسے ممالک میں یہ نمبر 25 ہزار کے قریب ہے۔ ہندوستان میں فی 10 لاکھ لوگوں میں اموات کی شرح 83 ہے، جب کہ امریکہ، برازیل، برطانیہ جیسے ممالک میں یہ نمبر 600 کے پار ہے۔ دنیا کے وسائل والے ممالک کے مقابلے میں ہندوستان اپنے زیادہ سے زیادہ شہریوں کی زندگی بچانے میں کامیاب ہو رہا ہے۔

تھوڑی ہی دیر میں پی ایم مودی کا ملک کے نام خطاب ہونے والا ہے۔ عوام اس بات کا انتظار کر رہے ہیں کہ پی ایم مودی آج کیا کہنے والے ہیں۔ کچھ لوگوں میں اس بات کو لے کر خوف بھی ہے کہ کہیں نوٹ بندی یا لاک ڈاؤن جیسا کوئی اعلان تو نہیں ہوگا جس سے عام لوگوں کی پریشانیاں بڑھ جائیں۔ بہر حال، اس بات کا اب تھوڑی ہی دیر میں پتہ چل جائے گا کہ پی ایم مودی عوام سے کیا کچھ کہنے والے ہیں۔

نینی تال: اتراکھنڈ ہائی کورٹ نے مہاراشٹر کے گورنر اور اتراکھنڈ کے سابق وزیر اعلیٰ بھگت سنگھ کوشیاری کو ہائی کورٹ کے حکم پر عمل درآمد نہ کرنے کے معاملے میں توہین عدالت کا نوٹس جاری کر کے کہا ہے کہ وہ چار ہفتے میں جواب داخل کریں۔ کوشیاری کے خلاف 60 روز پہلے نوٹس جاری کیا گیا ہے۔

اتراکھنڈ ہائی کورٹ سے ریاست کے سابق وزیر اعلیٰ بھگت سنگھ کوشیاری کو سرکاری رہائش گاہ اور دیگر سہولتوں کے کے عوض میں بقایہ جمع کرنے کی ہدایت دی گئی تھی، عرضی گزار کا الزام ہے کہ کوشیاری نے آج تک عدالت کی ہدایت پر عمل درآمد نہیں کیا۔

نئی دہلی: وزیر اعظم نریندر مودی آج (منگل) قوم سے خطاب کرنے جا رہے ہیں۔ وزیر اعظم نے اپنے ٹوئٹ ہینڈل کے ذریعے یہ معلومات دی۔ وزیر اعظم نے لکھا، ’’آج شام 6 بجے قوم کے نام پیغام دوں گا۔ آپ ضرور جڑیں۔‘‘

وزیر اعظم قوم میں نام پیغام میں کس معاملہ پر بات کریں گے اس پر چہ میگوئیاں شروع ہو گئیں ہیں اور کئی لوگوں کی دھڑکنیں بھی تیز ہو گئی ہیں۔ خیال رہے ہیں کہ اس سے پہلے وزیر اعظم کئی مواقع پر قوم کے نام خطاب کے دوران اہم اعلان کر چکے ہیں جن کا اثر ہرخاص و عام پر پڑا ہے۔ نوٹ بندی اور ملک گیر لاک ڈاؤں کے فیصلے کا اعلان بھی انہوں نے اسی طرح کیا تھا۔ یہی وجہ ہے کہ جب بھی وزیر اعظم قوم کے نام خطاب کی بات کرتے ہیں کئی لوگوں کی دھڑکنیں تیز ہو جاتی ہیں۔

شہر حیدرآباد میں ہوئی شدید بارش کے بعد بڑے پیمانہ پر ہوئی تباہی کو دیکھتے ہوئے دہلی حکومت نے تلنگانہ کی مدد کے لئے 15کروڑ روپئے کا اعلان کیا ہے۔ قبل ازیں تمل ناڈو کے وزیراعلی پلانی سوامی نے دس کروڑ روپئے کی مالی مدد کا اعلان کیا تھا۔ آج دہلی حکومت نے اس خصوص میں اعلان کیا۔

تلنگانہ ریاست میں شدید بارش سے ہوئی تباہی پر باز آبادکاری کے پروگرام کے لئے وزیراعلی اروند کیجروال نے اس رقم کا اعلان کیا۔ انہوں نے کہاکہ اس مشکل گھڑی میں تلنگانہ حکومت کے ساتھ دہلی حکومت ٹہری ہوئی ہے۔ اس رقمی اعلان پر دہلی کے اپنے ہم منصب سے تلنگانہ کے وزیراعلی کے چندرشیکھرراو نے ریاست کے عوام کی طرف سے اظہار تشکر کیا۔انہوں نے کیجروال سے فون پر بات کی اور ان کے گرانقدر تعاون پر ان کا شکریہ ادا کیا۔

ابوجا: نائیجیریا میں کورونا وائرس (کووڈ ۔19) کی زد میں آنے سے اب تک کم از کم 16 ڈاکٹروں کی موت ہو چکی ہے۔ نائیجیریا کی میڈیکل آرگنائزیشن کے صدر بابا عیسیٰ نے ایک پریس کانفرنس میں صحافیوں کو بتایا کہ آٹھ ماہ قبل شروع ہونے والی جان لیوا وبا کی وجہ سے اب تک ملک کے 36 صوبوں میں 16 ڈاکٹروں کی موت ہوچکی ہے۔

بابا عیسیٰ نے کہا کہ اب تک ملک میں 1،031 افراد اس جان لیوا وائرس سے ہلاک ہوچکے ہیں جبکہ 321 ڈاکٹر ابھی تک اس انفیکشن کا شکار ہوئے ہیں۔ انہوں نے کہا ’’بدقسمتی سے ہنگامی تیاریوں کے عدم فقدان کی وجہ سے عالمی وبا نے صحت کے نظام کو متاثر کیا ہے۔ اس کی بڑی وجہ انسانی وسائل کی ناکافی ، بنیادی حفاظتی سامان سمیت بنیادی ڈھانچے اور طبی سامان کی کمی ہے‘‘۔

ملک میں کورونا وائرس کا قہر جاری ہے تاہم فعال کیسز میں لگاتار کمی آ رہی ہے۔ گزشتہ 24 گھنٹوں کے دوران 46791 نئے معاملوں کی تصدیق ہوئی جبکہ 587 افراد ہلاک ہو گئے۔ اس کے ساتھ ہی متاثرین کی مجموعی تعداد 76 لاکھ کے قریب پہنچ گئی ہے۔ ملک میں اس وقت 748538 کیسز فعال ہیں اور 24 گھنٹوں کے دوران ان میں 23517 کی کمی واقع ہوئی ہے۔

واشنگٹن: امریکی جیولوجیکل سروے سینٹر کے مطابق پیر کے روز 21:43 پر محسوس کیے گئے زلزلے کی شدت ریکٹر اسکیل پر 5.0 تھی۔ گئی۔ سروے سنٹر کے مطابق زلزلہ کا مرکز زمین کی سطح سے 25.1 کلومیٹر نیچے اور 54.3991 شمالی عرض البلد اور 159.6545 ڈگری مغربی طول البلد میں واقع تھا تھا۔

گذشتہ 24 گھنٹوں کے دوران مہاراشٹر کے خطہ مراٹھواڑہ کے آٹھ اضلاع میں کورونا وائرس (کووڈ ۔19) کے مزید 432 نئے کیسز درج ہوئے ہیں اور اس عرصے کے دوران 15 مریضوں کی موت ہوچکی ہے۔

یہ اطلاع خطہ کے ہیلتھ افسران نے منگل کو دی۔ الگ الگ ضلع ہیڈ کوارٹر سے موصولہ اعداد و شمار کے مطابق اس عرصے کے دوران کورونا وائرس سے ضلع ناندیڑ سب سے زیادہ متاثر رہا جہاں 101 نئے کیسز رپورٹ ہوئے اور پانچ مریضوں کی موت ہوگئی۔ اس کے بعد ضلع جالنہ میں 27 نئے کیسز اور چار اموات ، ضلع اورنگ آباد میں 113 نئے کیسز اور دو اموات ، ضلع لاتورمیں 46 نئے کیس اور دو اموات ، ضلع بیڈ میں 73 نئے کیسز اور ایک موت ، ضلع عثمان آباد میں 42 نئے کیسز اور ایک موت ،ضلع پربھنی میں 22 اور ہنگولی میں نو نئے کیسز رپورٹ ہوئے ہیں۔

تائیوان: چین کے صوبہ شانسی میں کوئلے کی ایک کان میں گیس کے پھٹنے سے چار مزدوروں کی موت اور متعدد کے زخمی ہونے کی اطلاعات ہیں۔ مقامی افسران نے منگل کے روز بتایا کہ یہ دھماکہ لوآن گروپ کی ملکیت والی کان میں آج صبح تقریبا2 بجے ہوا۔اس دھماکے میں چار مزدوروں کی موت اورمتعدد زخمی ہوگئے ۔ کان میں ریسکیو آپریشن ختم ہوچکا ہے اوردھماکے کی وجوہات معلوم کرنے کے لئے تفتیش جاری ہے۔ اس کان سے ہرسال تقریبا 12 لاکھ ٹن کوئلہ نکلتا ہے۔