اہم خبریں : زومیٹو ڈیلیوری بوائے پر الزام لگانے والی خاتون اب خود مشکل میں!

کرناٹک کے بنگلورو میں زومیٹو ڈیلیوری بوائے کامراج پر حملہ کرنے کا الزام عائد کرنے والی خاتون ہتیش چندرانی اب خود مشکل میں پھنستی ہوئی نظر آ رہی ہیں۔ ان کے خلاف الیکٹرانک سٹی پولس اسٹیشن میں تعزیرات ہند کی دفعہ 355 (حملہ)، 504 (بے عزتی) اور 506 (مجرمانہ دھمکی) کے تحت ایف آئی آر درج کی گئی ہے۔ یہ ایف آئی آر کامراج کی شکایت پر درج ہوئی ہے۔

ہندوستان کی کچھ ریاستوں میں ایک بار پھر کورونا کا قہر بڑھتا ہوا معلوم پڑ رہا ہے۔ بڑھتے کیسز نے پی ایم مودی کو بھی پریشان کر دیا ہے اور یہی وجہ ہے کہ انھوں نے ایک بار پھر سبھی ریاستوں کے وزرائے اعلیٰ کی میٹنگ طلب کی ہے۔ ’آج تک‘ کی خبر کے مطابق یہ میٹنگ مارچ کو ہونے والی ہے۔ یہ میٹنگ ویڈیو کانفرنسنگ کے ذریعہ ہوگی۔

کورونا کے بڑھتے معاملوں کے درمیان پنجاب سے ایک بڑی خبر سامنے آ رہی ہے۔ میڈیا ذرائع سے موصولہ اطلاعات کے مطابق حکومت پنجاب نے بورڈ امتحانات کو ملتوی کرنے کا فیصلہ صادر کیا ہے۔ ابھی تک یہ بات پتہ نہیں چل سکی ہے کہ ملتوی یہ بورڈ امتحانات کب تک کرائے جائیں گے۔ مزید تفصیلات کا انتظار ہے۔