اہم خبریں LIVE: ’بے شرم رنگ‘ نغمہ کے کئی مناظر دباؤ ڈال کر کٹوائے گئے، پہلاج نہلانی کا الزام

شاہ رخ خان ان دنوں اپنی جلد ہی ریلیز ہونے والی فلم ’پٹھان‘ کو لے کر موضوعِ بحث بنے ہوئے ہیں۔ فلم کے نغمہ ’بے شرم رنگ‘ کو لے کر تنازعہ ختم ہونے کا نام نہیں لے رہا ہے۔ حال ہی میں سی بی ایف سی (سنٹرل بورڈ آف فلم سرٹیفکیشن) نے فلمساز سے متنازعہ نغمہ ’بے شرم رنگ‘ کے کچھ مناظر کو ختم کرنے کی ہدایت دی ہے۔ اس معاملے پر اب سی بی ایف سی کے سابق چیف پہلاج نہلانی کا بڑا بیان سامنے آیا ہے۔ انھوں نے کہا ہے کہ ’’ضرور بے شرم رنگ گانے میں تبدیلی کے لیے وزارت کی طرف سے دباؤ ڈالا گیا ہوگا۔‘‘

دھند اور کہرے کی وجہ سے دہلی میں آلودگی بھی لگاتار بڑھ رہی ہے۔ اب دہلی حکومت نے ماحولیات کے معیار کو مزید بگڑنے سے روکنے کے لیے تعمیرات اور انہدامی کارروائیوں پر پابندی لگانے کا اعلان کر دیا ہے۔ امید کی جا رہی ہے کہ اس سے دھول اور آلودگی میں کمی دیکھنے کو ملے گی۔

ملزم شیزان کے وکیل نے کہا ’’تفتیش میں یہ بات واضح ہو گئی ہے کہ پولیس کے پاس شیزان کے خلاف کوئی ثبوت نہیں ہے۔ تونیشا کی والدہ کی جانب سے لگائے گئے تمام الزامات بے بنیاد ہیں۔ پولیس معاملے کی تفتیش کر رہی ہے، ہمیں انتظار کرنا چاہیے۔ مجھے پورا یقین ہے کہ شیزان بے قصور ثابت ہوں گے۔‘‘

ٹی وی اداکارہ تونیشا شرما کی موت کے معاملہ میں گرفتار کئے گئے اداکار شیزان خان کو پولیس تحویل میں بھیجا گیا ہے۔ سوائی کورٹ نے شیزان کو تک پولیس ریمانڈ میں دینے کا فیصلہ کیا۔

میکس ہسپتال، دہرادون کے ڈاکٹر آشیش یاگنیک نے کہا ’’کرکٹر رشبھ پنت آرتھوپیڈکس اور پلاسٹک سرجنوں کی نگرانی میں ہیں۔ ان کی حالت مستحکم ہے۔ تفصیلی میڈیکل بلیٹن معائنے کے بعد جاری کیا جائے گا۔ اس کے بعد، ہم اگلے اقدامات کریں گے۔‘‘

وزیر اعظم نریندر مودی کی والدہ ہیرابین مودی کی آخری رسومات گجرات کے گاندھی نگر میں واقع شمشان گھاٹ میں ادا کر دی گئین۔ پی ایم مودی اور ان کے بھائی نے چتا روشن کی۔

وزیر اعظم نریندر مودی کی والدہ ہیرا با کا انتقال ہو گیا ہے اور وہ اپنے آخری سفر پر روانہ ہو چکی ہیں۔ پی ایم مودی اور ان کے بھائیوں نے انہیں کندھا دیا۔