اہم خبریں LIVE: ’بی جے پی انتخاب آتے ہی ’سی اے اے‘ پر چیخنا شروع کر دیتی ہے‘، ممتا بنرجی کا الزام

مغربی بنگال کی وزیر اعلیٰ ممتا بنرجی نے آج کرشنا نگر میں ایک جلسہ عام سے خطاب کرتے ہوئے کہا کہ جب انتخاب آتے ہیں تو بی جے پی سی اے اے کے بارے میں چیخنا شروع کر دیتی ہے، اور انتخاب کے وقت سی اے اے-این آر سی پر غلط فہمی پیدا کرتی ہے۔ ریاست میں وہ مٹوا، راج بنشی پر سیاست کرتے ہیں اور ’بنگال بانٹو‘ کی سیاست کرتے ہیں۔

گجرات کے سابق وزیر اعلیٰ وجئے روپانی نے آج اعلان کیا کہ وہ آئندہ اسمبلی انتخاب میں کھڑے نہیں ہوں گے۔ انھوں نے کہا کہ ’’میں انتخاب نہیں لڑوں گا۔ میں نے سینئر لیڈروں کو خط بھیج کر اس سے متعلق مطلع کر دیا ہے۔‘‘ وجئے روپانی کے علاوہ گجرات کے سابق نائب وزیر اعلیٰ نتن پٹیل اور بی جے پی رکن اسمبلی بھوپیندر سنگھ چڈاساما نے بھی آئندہ اسمبلی انتخاب میں کھڑے نہ ہونے کا اعلان کر دیا ہے۔

ٹی-20 عالمی کپ کے سیمی فائنل میں پاکستان نے شاندار کرکردگی کا مظاہرہ کرتے ہوئے نیوزی لیند کو 7 وکٹ سے شکست دے دی ہے۔ نیوزی لینڈ نے پاکستان کو 153 رن کا ہدف دیا تھا جسے پاکستان نے 5 گیندیں باقی رہتے ہوئے حاصل کر لیا۔ پاکستان کے دونوں سلامی بلے بازوں محمد رضوان (57) اور بابر اعظم (53) نے نصف سنچریاں اسکور کی اور پہلے وکٹ کے لئے 100 رن سے زیادہ کی شراکت داری کی۔

ٹی-20 عالمی کپ کے سیمی فائنل میں نیوزی لینڈ کے 250 رنوں کے جواب میں پاکستان نے شاندار آغاز کیا ہے اور دنوں سلامی بلے باز 40-40 رن سے زیاد کے اسکور پر کھیل رہے ہیں۔ پاکستان نے 10 اوور میں بغیر کوئی وکٹ کھوئے 87 رن بنا لئے ہیں۔ بابر اعطم 34 گیندوں میں 43 اور محمد رضوان 26 گیندوں میں 41 رن بنا کر کھیل رہے ہیں۔

شیو سینا کے رکن پارلیمنٹ سنجے راؤت کی دردخواست ضمانت نامنظور ہونے کے بعد ایڈیشنل سولیسٹر جنرل کی جانب سے دائر کی گئی اسٹے آرڈر کی درخواست کو پی ایم ایل اے کورٹ نے نامنظور کر دیا۔ اس کے بعد سنجے راؤت کی رہائی کا راستہ صاف ہو گیا ہے۔

پاکستان نے 117 رن کے اسکور پر نیوزی لینڈ کو چوتھا جھٹکا دیا ہے۔ خطرناک ہوتے جا رہے ولیمسن کو شاہین شاہ آفریدی کی گیند پر بولڈ ہو کر واپس لوٹے۔ نیوزی لینڈ نے 18 اوور کے اختتام پر 133 رن بنا لئے ہیں۔

ٹی-20 عالمی کپ کے پہلے سیمی فائنل میں نیوزی لینڈ نے پاکستان کے خلاف ٹاس جیت کر پہلے بلے بازی کرنے کا فیصلہ کیا ہے۔ پاکستان نے اب تک نیوزی لینڈ کو 3 کھلاڑیوں کو آؤٹ کر دیا ہے۔ فی الحال نیوز لینڈ کا اسکور 8 اوورز کے بعد 3 وکٹ کے نقصان پر 49 رن ہے۔ شاہین شاہ آفریدی اور محمد نواز نے ایک ایک وکٹ حاصل کیا ہے جبکہ ایک کھلاڑی رن آؤٹ ہو کر واپس لوٹا ہے۔

پاترا چال معاملہ میں شیو سیان کے رکن پارلیمنٹ سنجے راؤت کی درخواست ضمانت منظور کر لی گئی ہے۔ تاہم ایڈیشنل سالیسٹر جنرل نے ان کی رہائی کے خلاف اسٹے آرڈر کا مطالبہ کیا ہے، تاکہ پی ایم ایل اے کورٹ کے فیصلہ کے خلاف اپیل کی جا سکے۔

انگلینڈ کرکٹ ٹیم کے کپتان جوس بٹلر نے ٹیم انڈیا کے خلاف کل کھیلنے جانے والے ٹی-20 عالمی کپ کے سیمی فائنل مقابلہ سے قبل ایک اہم بیان دیتے ہوئے کہا ’’ہم ہندوستان اور پاکستان کا فائنل نہیں دیکھنا چاہتے اور ہم اس بات کو یقینی بنانے کی کوشش کریں گے کہ ایسا نہ ہو۔‘‘ سیمی فائنل میں ہندوستان کا مقابلہ آسٹریلیا کے ایڈیلیڈ میں انگلینڈ سے ہوگا۔ خیال رہے کہ پہلا سیمی فائنل آج نیوزی لینڈ اور پاکستان کی ٹیموں کے درمیان کھیلا جا رہا ہے۔

چیف جسٹس آف انڈیا ڈی وائی چندرچوڑ نے حلف لینے کے بعد سپریم کورٹ میں مہاتما گاندھی کو ان کے مجسمے پر خراج عقیدت پیش کیا۔ اس موقع پر انہوں نے کہا ’’قوم کی خدمت کرنا میری ترجیح ہے۔ ٹیکنالوجی ہو، رجسٹری اصلاحات ہوں یا عدالتی اصلاحات، ہم ہندوستان کے تمام شہریوں کی ہر طرح سے حفاظت کریں گے۔‘‘

مہاراشٹر کانگریس کے لیڈر اشوک چوان نے کہا ’’این سی پی کے سربراہ شرد پوار اور شیوسینا کے لیڈر آدتیہ ٹھاکرے 11 نومبر کو کانگریس پارٹی کی 'بھارت جوڑو یاترا' میں شرکت کریں گے۔ جبکہ این سی پی کے جینت پاٹل، سپریا سولے اور جتیندر اوہاڈ یاترا میں کل شامل ہوں گے۔‘‘

گورنر کیرالہ عارف محمد خان اور ریاستی پنرائی وجین حکومت میں جاری اختلافات کے درمیان گورنر کے خلاف آرڈیننس لانے کی تیاری کی جا رہی ہے۔ رپورٹ کے مطابق کیرالہ کابینہ نے گورنر کو چانسلر کے عہدے سے ہٹانے کے لیے آرڈیننس لانے کا فیصلہ کیا ہے۔ چانسلر کی جگہ کسی ماہر کو لانے کا منصوبہ تیار کیا جا رہا ہے۔