آسام: ملازمت گھوٹالہ میں بی جے پی ایم پی رام پرساد شرما کی بیٹی گرفتار

آسام کے گوہاٹی سے بی جے پی کے ایم پی رام پرساد شرما کی بیٹی پلوی شرما سمیت 19 افسران کو پولس نے رقم کے بدلے نوکری لینے سے جڑے ایک معاملے میں گرفتار کیا ہے، بدھ کو گرفتار کرنے کے بعد پولس نے تمام افسران کو عدالت میں پیش کیا جہاں سے عدالت نے سب کو 11 دن کی پولس حراست میں بھیج دیا گیا ہے۔

یہ معاملہ 2016 میں آسام پبلک سروس کمیشن کی ملازمتوں میں ہوئے گھوٹالے سے جڑا ہوا ہے، بی جے پی ایم پی کی بیٹی پلوی شرما شیوساگر ضلع میں پولس نائب سپرینڈینٹ کے عہدے پر تعینات تھیں۔ پلوی کے ساتھ گرفتار 18 افسر انہیں کے بیچ کے ہیں۔ ان سبھی نے 2016 میں اےپی ایس سی کا امتحان دیا تھا۔ تفتیش کے دوران سب کی لکھاوٹ امتحان کی کاپیوں کی لکھاوٹ سے مختلف پائی گئی ہے۔

پولس نے پلوی سمیت تمام افسران کو سمن جاری کر کے ہینڈرائٹگ ٹیسٹ میں شامل ہونے کے لئے کہا تھا۔ ہینڈرائٹگ ٹیسٹ میں کسی بھی افسر کی لکھاوٹ امتحان میں دی گئی کاپیوں سے مختلف تھی۔ اس کے بعد پولس نے تمام افسران کے خلاف کارروائی کی ہے۔