دشینت چوٹالہ کھٹر حکومت سے حمایت واپس لیں: کانگریس

سرجے والا نے کہا کہ جے جے پی لیڈر کو بی جے پی قائدین اور مرکزی وزراء سے بات کرنے کے لئے دکھاوا کرنے کے بجائے اپنے عہدے سے استعفی دے کر ریاستی حکومت سے حمایت واپس لینا چاہیے۔

رندیپ سنگھ سرجے والا، تصویر یو این آئی
رندیپ سنگھ سرجے والا، تصویر یو این آئی
user

یو این آئی

نئی دہلی: کانگریس نے کہا ہے کہ ہریانہ کے نائب وزیر اعلی اور جن نائک جنتا پارٹی (جے جے پی) کے رہنما دشینت چوٹالہ نے کسانوں کے ساتھ دھوکہ کیا ہے اور انہیں عوامی مفاد میں ریاستی حکومت سے حمایت واپس لینا چاہیے اتوار کے روز یہاں جاری ایک بیان میں کانگریس کے میڈیا محکمہ کے سربراہ رندیپ سنگھ سرجے والا نے کہا کہ دشینت چوٹالہ کسانوں کی مشکلات کو سنجیدگی سے لینے کے بجائے سیاست کر رہے ہیں اور بی جے پی لیڈران کو خوش کرنے میں مصروف ہیں۔ انہیں عوام سے غداری کے بجائے وزیر اعلی منوہر لال کھٹر کی سربراہی والی حکومت سے فوری طور سے حمایت واپس لینا چاہیے۔

سرجے والا نے کہا کہ جے جے پی لیڈر کو بی جے پی قائدین اور مرکزی وزراء سے بات کرنے کے لئے دکھاوا کرنے کے بجائے اپنے عہدے سے استعفی دے کر ریاستی حکومت سے حمایت واپس لینا چاہیے۔ ترجمان نے بتایا کہ "دشینت کے پاس بی جے پی رہنماؤں سے سٹی کونسل اور بلدیات انتخابی اتحاد اور اقتدار میں حصہ داری کے لئے سیاسی سودے بازی کے بارے میں بات کرنے کا وقت ہے لیکن کسانوں کے احتجاج کرنے والوں سے بات کرنے کا وقت نہیں ہے اور وہ ان کی ترجیحات کو ظاہر کرتا ہے۔‘‘


سرجے والا نے بتایا کہ ہریانہ کے لوگوں کو اچھی طرح سے یاد ہے کہ ریاستی اسمبلی انتخابات سے پہلے کس طرح جے جے پی اور دشینت چوٹالہ بی جے پی حکومت میں بدعنوانی، سرکاری ملازمتوں میں دھاندلی اور کسانوں کی پریشانیوں کے بارے میں بات کرتے تھے لیکن اسمبلی انتخابات میں جے جے پی اور دشینت چوٹالہ نے بی جے پی کی مدد کرنے کے لئے اپنے امیدوار اتارے اور اسے جیتنے میں مدد کی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔