اترا کھنڈ کانگریس کا پوسٹل ووٹرلسٹ دستیاب نہ کرانے کا الزام، کمیشن سے شکایت
الیکشن لڑ رہے امیدواروں کو تمام قسم کی حتمی شائع شدہ ووٹر لسٹیں دستیاب کرانا الیکشن کمیشن کی ذمہ داری ہے اور ایسا نہ کرنا انتخابی اصولوں کی خلاف ورزی ہے۔
اترا کھنڈ میں اسمبلی انتخابات اختمام پزیر ہو چکے ہیں اور اب سب کو دس مارچ کا انتظار ہے جب یہ پتہ لگے گا کہ اترا کھنڈ کے عوام نے کس کے حق میں اپنی رائے کا اظہار کیا ہے لیکن ایسا نہیں ہے کہ ابھی وہاں کا سیاسی پارہ نیچے آ گیا ہو وہاں پر ابھی بھی لوگ سیاسی طور پر متحرک ہیں ۔ اتراکھنڈ پردیش کانگریس کمیٹی کے ایک وفد نے منگل کے روز ریاست کے چیف الیکٹورل آفیسر (سی ای او) کو ایک میمورنڈم پیش کر کے پوسٹل ووٹروں کی فہرستیں ان کے امیدواروں کو دستیاب نہ کرانے کا الزام عائد کیا گیا ۔
ریاستی کانگریس تنظیم کے جنرل سکریٹری اور سینئرترجمان متھرا دت جوشی نے بتایا کہ سی ای او کوریاستی صدر گنیش گوڈیال کی جانب سے میمورنڈم سونپا گیا ہے۔ جس میں کہا گیا ہے کہ ریاستی اسمبلی انتخابات 2022 کا عمل مکمل ہونے کے بعد کانگریس کی طرف سے تمام 70 اسمبلی حلقوں کے امیدواروں سے رابطہ کرنے کے بعد معلوم ہوا کہ مختلف اسمبلی حلقوں کے امیدواروں کو پوسٹل ووٹروں کی فہرستیں دستیاب نہیں کرائی گئی ہیں۔
مسٹر گوڈیال کی جانب سے میمورنڈم میں لکھا گیا ہے کہ الیکشن لڑ رہے امیدواروں کو تمام قسم کی حتمی شائع شدہ ووٹر لسٹیں دستیاب کرانا الیکشن کمیشن کی ذمہ داری ہے ۔ ایسا نہ کرنا الیکشن کے اصولوں کے خلاف ہے لیکن یہ انتہائی سنگین معاملہ ہے اور اس سے انتخابی عمل کی شفافیت پر بھی سوالیہ نشان لگتا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔