ٹوئٹر میں سرمایہ کاری کرنے والے شخص نے ایلن مسک پر کیا مقدمہ

ایک ٹوئٹر سرمایہ کار نے ٹیسلا اور اسپیس ایکس کے سی ای او ایلن مسک پر مائیکرو بلاگنگ پلیٹ فارم میں ان کی شراکت داری ظاہر نہیں کرنے کے لیے مقدمہ دائر کیا ہے۔ ٹیک کرنچ کی رپورٹ کے مطابق 24 مارچ 2022 اور یکم اپریل 2022 کے درمیان ٹوئٹر اِنک سیکورٹیز کو فروخت کرنے یا نمٹانے والے سبھی سرمایہ کاروں کی طرف سے مارک بین راسیلا کے ذریعہ مین ہٹن یونین کورٹ میں مقدمہ دائر کیا گیا ہے۔

مقدمہ کے مطابق ایلن مسک نے جنوری میں ٹوئٹر شیئر حاصل کرنا شروع کیا اور 14 مارچ تک ٹوئٹر میں 5 فیصد سے زیادہ ملکیت حاصل کر لی تھی۔ ایس ای سی کے لیے سرمایہ کاروں کو 5 فیصد کی حد پار کرنے کے 10 دنوں کے اندر شیڈول-13 داخل کرنے کی ضرورت ہے۔ لیکن مسک نے تب تک فائلنگ جمع نہیں کی جب تک انھوں نے ٹوئٹر میں 9.2 فیصد شراکت داری نہیں لے لی۔ تقریباً 3 ارب ڈالر میں مائیکرو بلاگنگ پلیٹ فارم میں 9.2 فیصد شراکت داری حاصل کرنے والے مسک ٹوئٹر کے 15 فیصد سے زیادہ شیئر خریدنے تک محدود ہیں۔