ہانگ کانگ میں مسلسل چوتھے دن ٹریفک میں رخنہ، اسکول اور یونیورسٹیاں بند

ہانگ کانگ: ہانگ کانگ میں حکومت مخالف مظاہرین نے جمعرات کو مسلسل چوتھے دن شاہراہ اور نقل وحمل کے دیگر ذرائع میں رکاوٹ پیدا کرنا جاری رکھا جس کی وجہ سےشہر کے اسکول، یونیورسٹی اور شاپنگ مال بند کرنے پڑے۔ بی بی سی کی رپورٹ کے مطابق اس دوران پولس نے مظاہرین کو تتربتر کرنے کے لئے آنسوں گیس کے گولے بھی چھوڑے ہیں۔

کل رات شہر کے ایجوکیشن بیورو نے اعلان کیا کہ احتیاط کے طور پر سبھی اسکول بند رہیں گے۔ کئی یونیورسٹیوں نے بھی جمعرات سے اپنے کیمپس بند رکھنے اور ان میں پڑھائی نہ ہونے کا اعلان کیا ہے۔شہر کے کئی اہم شاپنگ مال نے آج بند رہنے کا اعلان کیا ہے۔

میڈیا نے مقامی اسپتال کے افسروں کے حوالےسے بتایا کہ چین انتظامیہ اس علاقے میں حال ہی میں ہوئے مظاہروں کے دوران پولس اور مظاہرین کے درمیان ہوئی جھڑپوں میں اب تک 64 افراد زخمی ہوئے ہیں اور انہیں ہانگ کانگ کے مختلف اسپتالوں میں داخل کرایا گیا ہے۔

اسپتال میں داخل لوگوں میں سے 34 کی حالت مستحکم ہے اور 23 افراد کو چھٹی دے دی گئی ہے جبکہ ایک شخص کا علاج ابھی بھی جاری ہے۔